روايـه طيفي مع بنتـــه يجيـــه / بقلـم : بكتنــي مشاعــره

**اميـره** · 12-18-2010 12:52 AM

----------------------------------------
البـارت عشــريـــن . .

" أكـبر قهْر " لآ صآر ودكْ تتكلـم
ويمنعك وآقع عآآفتْــہ حتى عيوْونك..!

عنـد ريهام بعد ماخلصت الاكل ودته عند خالد لقته سرحان جلست جمبه
خالد ابتسم لها
ريهام : يلا ذووق من طباخي
خالد اخذ الشوكه وعطاها ريهام تاكل بالبدايه
ريهام ضحكت : هههههه ليه يعني عبالك فيها شي والله مافيها
خالد : هههه لالا مو قصدي كذا انا اقصد انا انتي جربي بالاول بس ولا تزعلين انا الاول
واخذ خالد وجربها وكانت مرره لذيييذه وعطى الشوكه لريهام
ريهام خذت الشوكه وخذت قطعه الدجاجه اللي فوق المعكرونه توها بتقربها من فمها طاحت على فخها ماتعورت حيل
خالد على طول شال قطعه الدجاااجه وحط ايده على فخذها صرخت ريهام بقوووه لان لمسها مكان الحرق
خالد انصدم : اشفيييك يأألممك ؟؟
ريهام دمعت عيونها ماتبي تقوله
خالد رفع تنورتها وانصصدم من الشكل الموجود حرق على شكل سكين شكله اللي مسويي كذا حطها على فخذها مده
خالد شاف ريهام منزله راسها رفع لها راسها : شنو هذا من سوه فيك كذا ؟
ريهام تبكي بصمت
خالد قرب لها اكثر وضمها ويهدي فيها ويفكر من اللي ممكن يسوي كذا من هذا اللي ماعنده رحمه
بعد خالد شوي عنها : ريهام حياتي من سوه فيك كذا قوولي ؟؟
ريهام بهمس : بابا
خالد انصدم وتنهدت بضيق : انطريني هنا ماتروحي مكان
ريهام : انت وين بتروح؟؟
خالد وهو يصك الباب : ثواني وراجع

ربع ساعه ودخل خالد على ريهـام ومعاه كيس قرب صوبها ورفع التنـوره
وجاب لها كريم حروق ومعاه شي ضيق يضغط على مكان الحرق وتم يدهن لها رجلها بهدوء وهي تتأمله وبعد ماخلص شغله رفه راسه لها وطالعها وابتسم
وتموا يسولفون

---------------------------------
بعد مارجعوا اريج ورغد وماجد
اريج دقت على سيف وتموا يسولفون وقالت له السالفه وماجد راح غرفته يرتـاح لانه عقب ساعه بيطلع مع خـالد ورغـد راحت بيتهم تجهز اوراقها ودق عليها فيصل
رغـد : هلااا والله هلا برووحيي
فيصل : هللا بحيياتي شخبااارك ؟؟
رغـد : تمااام انت شخباارك شمسووويي ؟
فيصل : والله مشتااق لككم
رغد : والله اجل ارجع لنا
فيصل : ههههه تبيني ارجع ؟؟
رغـد : لا انـا كنت امزح معااااك شوف مستقبلك ياخوي
فيصل : وريهااام كييفها؟
رغـد حكت حق فيصل اللي صار بدون الحرق لانها ماعرفت
فيصل : لا حول ولا قوه الا بالله شفيه هذا والله ماجد مايقصر
رغـد : اييه والله تسلم روحه
فيصل : اوكيه حبيبتي اخليك الحين باجر وين بتروحين
رغد وهي مشتططه : الجامعه
فيصل : الجامعه ؟؟؟
رغـد : ايوه باجر راح اروح اسجل بالجامعه بدل الملل اللي انا فيه
فيصل : اهاا والله فكره حلوه بس أي قسم راح ادشين ؟
رغـد : قانون
فيصل : اهاا وانشالله اول مارجع راح افتح شركه وتجين تشتغلين معاي
رغـد : الايي ونااسه عقب اربع سنين
فيصل : اوكيه ماطول عليك انا راح اصك منك وراح ادق على ريهام وابوي وامي واي شي تبينه طرشي لي بمسج اوكييه؟
رغـد : نبيك سالم
فيصل : الله يسلمك , يلا مع السلامه وسلمي على اريج الخبله وماجد
رغـد : هههه يوصل انشالله
صكت رغـد من فيصل وهي حيل مستانسه من هالمكالمه

وبعـد ساعـه كـان خالد وماجد بالكوفي
خالد ميت من الضحك : اجل تووهقت يوم قالوا لك ماتعرف اسمها
ماجد : اففف اسكت والله موقف مانحسسد علييه انبلع لساني ماعرفت شاقول
خالد وهو مازال بنوبه ضحك على السالفه
ماجد : بس متوهق شلون بطلقها وهي بنت عمي
خالد : مشالله كلنا بنطلق
ماجد : لييه من طلق
خالد : اول ابوي والحين انا وانت عقبي
ماجد انصدم : بتطلق ريهام
خالد بابتسامه : وبرجع لرغـد ماقدر
ماجد : بس ياخالد شلون ماعرف شاقولك
خالد : انتوا حكيتوا لي املك عليها وعقب طلقها وانا راح اطلقها وارجع حق رغـد
ماجد : ورغد بتوافق
خالد : انشـالله . .
وتموا يسولفون وطلعوا وراحوا مجمعات الين الساعه 12 كلن رجـع بيته تعبان
--------------------------
اليـوم الثـاني الساعه 9 الصبـح نزلت رغـد الجامعه وسجلت وقبلوها ومن عقب باجر راح ادااوم وطرشت مسج تبلغ اخوها فيصل وريهام

وعنـد اريج
كانت اريج لابسه جينز اسـود وقميص ماجد اخوها وسيييع حيل وكانت قاعده مع سيف اللي كل شوي معلق على شكلها
اريج : افف منك سيووف خلااص ترى انا كذا
سيف : ويعني انتي كله لابسه لبس رجالي ؟؟
اريج : ايوه ويكون في علمك سيوف اذا اشتريت لك قميص او تيشترت وماشريت لي معاك ترى بلبس من لبسك كاني اقولك
سيف : ايه عادي لبسي من مالي اصلن حلالك كلهم
اريج ستحت وتبي تغير الموضوع : سيف سولفي لي عن اهلك
سيف : امممممم عندي ثلاث خوات وحده فييهم متزوجه بس رببي مارزقها بعيال اسمها غلا وعندي منال بالجامعه ومخطوبه و نجـود باول ثـانوي
اريج : وامك وابوك ؟؟
سيف : امي متوفيه من زماان من كان عمري 18 يعني على وفاتها ست سنين وابوي قـاعـد عـزابــي
اريج : انزيين واخوانك ؟
سيف : مـاعنــدي اخـوان
اريج سوال وقح : انزين من اللي من خواتك كـلاب؟
سيف طالعها بنص عين ومات من ضحك
اريج تضربه : هيييي انا اقصد ام لسااان يعني محد يسلم من شرها
سيف : والله الصراحه اللي ام لسان منـال ونجـود بس غلا حليوه
اريج : انزين وسيف ؟
سيف ابتسم : وسيف الله يسلمج يعشق وحده اسمها اريج جننته بعفويتها وهبالها من كثر مايحبها يحلم فيها حتى
اريج ابتسمت له وتقول بقلبها " اعششققه ياناااس اعشقه الله لا يحرمني منه < قولوا امييين "
ارييـج : الله لا يحـرمنـي منــك
سيـف قـرب منهـاا وعـض خدها بقــوه وده ياكلها . .
-----------------------
ارجعت رغـد البيت ودق التلفون وراحت لـه
رغـد : الـوو
: الـوو
رغد ارتبكت : خاالد ؟؟؟؟
خالد : رغد ابي اقوولك شي
رغد دمعت عيونها من زمان عنه
خالد : انـا راح اطلق ريهـام وبرجع لج بس ابغااك توفقين خلنا نحقق حلمنا
رغد : شنو اطلقها خالد انت مهب صاحي البنت عمرها 19 تحمل لقب مطلقه انا مارضها على اختي
خالد : بس يارغد انا احببك والله وماجد حكالي ان قالك عن اللي سوته اميره الله يرحمها بس انا ابيك انتي واناا ومتااكد ان انتي بعد تبييني

رغـد بهمسس : ريهـااااام ؟
رغــد ارتبكــت وقــالـــت لــ / خـألد : لا
رغـد قفلت الخط بوجهه ودموعها على خدها
ريهاام بكتت من اللي سمعته
رغد قربت صوبها : لالا انا قفلت الخط بوجهه قلته لـه لا
ريهام تمسح دموعها : ليه قلتي له لاا ؟؟ انا راح اكلمه اصلن وبقوله يطلقني انا راح ارجع حق حسن
رغـد ابتسمت : صدق بترجعين له
ريهام ابتسمت من قلب : ايييه يلا قومي خلنـا نروح الـدار اكيد بلاقيه عند امه
رغد راحت على طـول غرفتها تلبس عباتها وتـروح مع اختها

وبالـدار
دخلت ريهام ورغد ومحد فيهم مغطي وجهه واشكالهم ملفته للنظر من جمالهم وشبهم الجذاب
ريهام راحت على طول غرفه ام حسن ماحصلت احد بلعت ريقها والتفت على رغد
ريهام : مش موجوديين رغود
رغد : امشي نسال عنهم
ريهام : يلا
وراحوا عند المدير
المدير يطالعهم مبهور : هلا هلا تفضلوا
اجلسوا ريهام ورغد
المدير : أي وحده فيكم الانسه ريهـام
ريهام : انـا معاك المدام ريهام
المدير ابتسم : مبروك
ريهام : بغيت اسالك عن " مريم علي الـ .......... "
المدير : ايه هذي طلعها ولدها من ايام وماعرف شي عنهم
ريهام تنهدت بضيق : اوكيه مشكور اخـوي بس انا حبيت اقدم استقالتي ممكن توقع ؟؟
المدير : لييه ياخت ريهام
ريهام : ظروف
المدير حس ان بجد عندها ظروف : اوكيه الله يفرجها انشالله
وقع المدير على ورقه الاستقاله وطلعت ريهام ومعاها رغد وهي تودع احلى ذكرياتها بهالـدار تذكرت هالموقف اللي مع حسـن قبل اشهر كانوا بالمجمـع !
حسن : خذي اللي فيه للولؤ لان يشبهك
ريهام : لا حبيبي انت اخذ على ذوقك
حسن : بس هاذي دبلتك انتي اختاري
ريهام : انا مقتنعه بذوقك انت اخذ لي
حسن وهو يناظر الخواتم : ااممممم شوفي هاذي حلووه
ريهام : انت كله اطلع لي اللولؤ
حسن : لاني اعشق اللؤلؤ يذكرني فيك
ريهام ابتسمت له : يلا دور لي
حسن : اوكييه بس بششرط
ريهام : ايوه امر ؟
حسن : انتي تشترين لي دبلتي بذوقك
ريهام تغمز لـه : اتفقنـا
وريهام وحسن خذوا لهم دبل وطلعوا من السوق

قطـع عليها احلى ذكـرى في حياتها اللي معذبتها
رغد : وين رحتي من مساع اقولك امشي نوقف تاكسي
ريهام : سوري بس سرحت شوي
رغد فهمت اختها وش تفكر فيه

--------------------

نهـايه البــارت
توقعااتكم
خالـد بيطلق ريهـام ويرجـع لرغــد ؟؟
ريهـام شنو بتكون رده فعلهاا لما تعرف ان حسن سافـر ؟؟
ماجـد ورهـف ؟؟ شنو نهايتهم
ورغـد والجااامعه
واريج وسيـف ؟؟؟

------------------------------------

**اميـره** · 12-18-2010 12:55 AM

-------------------------------------

البــارت الـواحــد وعشـرين

بعـد مـرور 29 يـوم
الاحداث باختصار
خالد كان يشـوف ريهام مـره بالاسبـوع وماكنت تجي الفرصه عشان يتكلمون بالطلاق
ريهـام ادق على حسن ومايرد عليها لين مافقدت الامل ان ممكن يرد
ماجد ورهف حياتهم ماشيه كعيـال عم فقـط وقدام النـاس يتظاهـرون الحب
اريج وسيـف ينتظرون لين ماريهـام تتزوج عشان سيـف يرجع للامارات وياخذها معـاه
ورغـد مشت بالجامعه وتعرفت على شله وبدت تنسى خالد او تقدرون تقولون تتجاهله وخطبها واحد اسمه وائل اخو رفيجتها اللي بالجامعه بس رفضت بسبب تنطر خالد وفكـرت تاخذ صيفي عشان تخلص الجامعه بسرعه
وفيصـل دخل للجامعه بابريطانيا في مانشستر وكل يوم يدق على اهله يطمنهم
وريهام وخالد بقى يــــوم واحــد على زواجهم بعد مانتهوا بالتجهيز بمساعده اريج ورغد

---------------
وباستراليـاا
حسن : يلا يمه الطياره
ام حسن : حاضر ياولدي بس تعال ساعدني
راح حسن لامه عشان يساعدها
ام حسن : الحين ماتفهمني ليه نرجع السعوديه
حسن : يمه انا لازم ارجع الحين عندي شغله اسويها وعقب نرجع بس طولي لي بالـك
ركبـوا السياره حسن وام حسن وتوجهوا على المطار وعلى طول الطياره المغادره على السعوديه

--------------------
وعنـد ريهام تروح وترجع بغرفتها اللي في بيت امها
رغد وهي تبرد اظافرها : بس ياريهام لوعتي كبدي رايحه وارده دودهتيني معك ماعرفت اسوي اظافري
ريهام تشوف اختها اللي تغيرت 180 درجه باسلوبها بغرورها ومناكير ولبس وحاله من دخلت هالجامعه وصبغت شعرها اسود سواد الليل : بس انتي مايخصك خالد راح يجيب لي الفستان
رغد تتظاهر الا مبالاه وتبلعه غصتها : ويعنني ؟؟
ريهام : ايش اللي يعني انتي الثانيه باجر عرسي واليوم بيجيبون الفستان انا مهب راضيه اصدق مستحيل
رغد : انتي مكبره الموضوع خلص باجر بتتزوجين وبتروحين
ريهام : اففف وحسسسن حسسسن حسسسن ؟؟
رغد : وجعتي لي راسي حسن وحسن وحسن خلااص الحين دقي عليه وقوليله بسافر معك للاستراليا وخالد راح يطلقني وفستان عرسي راح اخليه حق عرسي معك بسسس
ريهام : اففف مننك يارغد لا تقعدين تتريقين علي ماني بناقصتك
رغد : اجل خلاص خلني اعرف اسوي اظافري وانتي اهجدي وبس

وربـع ساعه دق جرس الباب
رغد : روحي فتحي الباب لرجلك
ريهام بلعت ريقها وراحت فتحت الباب لقت اريج
ريهام : ووه ارووج طيرتي قلببي عبالي خالد
اريج : تعالي بس تعالي وخليك من روميو الغفله وشوفي شعري وش سويت فيه
ريهام توها بتصك الباب شافت سياره خالد وقفت تستناه واريج دخلت داخل
خالد : مرحباا ريهام
ريهام : مرحبا بك
خالد : سوي لي درب بحط الصناديق حقت الفساتين داخل
ريهام : تعال معي نحطها بالصاله
راح خالد وراه ريهام واول مانزل الصنادق مسك ظهره
ريهام : الصناديق كانت ثقيله ؟؟
خالد : ايوه فيها اربع فساتين
ريهام بصدمه : اربع ؟
خالد طالعها وابتسم وتوجه للباب وطلع
ريهام تنادي على اريج ورغد
طلعت لها اريج وكانت توها قاصه شعرها فكتوريا
ريهام منبهره : وااااااااااااااو والله واااااااااو احححلى ايش هذذا ؟؟
اريج : اااه واخييرا قصييت شعري بالقصه اللي طول عمري اتمناها
ريهام : مشالله اتجنن علييك لا يشوفك سيف بينخبل
اريج : ههههههه بنشوف اليوم بالليل
طلعت رغـد من الغرفه وكانت حاطه مناكير احمر
ريهام : تعالي نشوف الفساتين
رغد تقدمت لريهام واريج وفتحوا اول صندوق وكان فستان باللون السلفر وكان قصير لين نص الركبه ومن ورا طويل بقصه الذيل
وكان الفستان الثاني لونه كحلي حرير وفيه ذهبي والفستان الثالث كان لـونه تركوازي وشكله غريب مع قصاته واخر واحد كان فستان ريهام لونه ابيض كلمه روعه قليله بحقه
رغد : حق من كل هذول؟؟
ريهام رفعت جتفها المقصود من الحركه مدري
خذت ريهام موبايلها ودقت على خالد
ريهام : الو هلا والله
خالد : اهلين
ريهام : خالد بغيت اسالك
خالد : ايوه امريي ؟
ريهام : مايامر عليك ظالم لمين كل هالفساتين ؟
خالد : شوفي ياطويله العمر اللي لونه ابيض لك واللي لونه كحلي حق اريج لانها تعشق هذا اللون ورغد لها التركوازي لان تحب هاللون وسويت لها بعد سلفر لان من زمان خاطرها تلبس هاللون
ريهام بصدمه بس مابينت له : اييه اهاا ماتقصصرر
خالد : يلا مع السلامه
قفلت ريهام من خالد وهي مستغربه
ريهام : اقول رغد
رغد : هاا ؟
ريهام : الناس يقولون نعم بس ماعلينا خالد وش دراه انك تحبي اللون التركوازي وان بخاطرك فستان سلفر
رغـد سرحت لموقف قديم
كانت رغـد تكلم خالد بتلفون البيت الساعه وحده بالليل
رغـد : هههههههه اول ولد لنـا راح نسميه طلال ؟
خالد : والله حبيبتي هو ولدك وانتي تسمينه انا خليني على البنات
رغد : امممم خلنا نسمي البنت رتـاج احب هذا الاسم
خالد : اقول حبيبتي
رغد : سم ؟
خالد : أي لـون راح تلبسين لي بالمكله ؟؟
رغـد : اممممم شوف انـا احب اللون التركواز بس من زمان بخاطري البس سلفر
صحت رغـد من هالذكرى ودموعها على خدها على طول امسحتها
اريج وريهام عرفوا انها تذكرت شي بس ماحبوا يسألون
رغـد بصوت مبحوح : عن اذنكم
ريهام واريج : اذنك معاك
راحت رغد لغرفتها
ريهام : مهما حاولت تلبس قناع القوه ولا مبالاه تفشل
اريج : الله يكـون بعونها
ريهام خذت الفساتين مع اريج و ودوها الغرفه

------------------------------------
صبأح يـوم جـديد حزين لبعض ابطالنـا وسعيد لبعضهم
نزلت طياره استراليا على ارض السعوديه ونزل منها حسن وام حسن
حسن كان مستانس ان بيشوف حبـه ريهام حتى لـو مافي امل بس يشوفها يتطمن عليها

ونـزلت طيـاره ثانيه من بريطانيـا على ارض السعوديه ونزل منها فيصل وهو مستانس ان رجع لديرته وحزين لان عـرس ريهـام

وبالمطـار تلاقوا حسن وفيصل
حسن وفيصل سلموا على بعض
وام حسن كانت قاعده تنطر حسن
حسن : الحمدلله على السلامه يافيصل عقبال ماتخلص الاربع سنين
فيصل : الله يبارك فيك , الا انت وش دراك اني مسافر دراسه
حسن توهق شلون بيقوله ريهام قالت لي : والله يافيصل مافي خبر ينخش بهالوقت
فيصل ابتسم لحسن وهو عارف من اللي قاله : ايه والله وانت الصادق
حسن : بدت اجازتك ؟
فيصل : لا والله بس انا قلت اغيب اسبوع واحضر الزواج اليوم
حسن خاف يكون عرس ريهام : اممم زواج من؟؟
فيصل : اممم اختي
حسن : الانسه ريهام ؟
فيصل ابتسم : المدام ريهام اليوم عرسها
حسن كانه احد كب عليه مويه بارده بصدمه ماقدر يرمش منها
فيصل حس ان حسن فيه شي : اوكيه حسن ماطول عليك اتمنى تجينه اليوم انشالله
راح فيصل وحسن مانطق ولا كلمه من الصدمه توقع على الاقل تفركشت الخطوبه تنهد بضيق والدنيا من حوله ضيقه وخذ شناطهم وراح عند امه
حسن بضيق : يلا يمه مشينـا
ام حسن لاحظت الضيق اللي بوجهه بس احترمت سكوته وراحوا

------------------------
واريـج وسيـف
سيف وهو يلعب بشعر اريج
سيف : الحين شو بتسوين لشعرج اليوم للزواج ؟؟
اريج تفكر : ماعرف انـا قلت بروح للمشغل وهم يقولون وش اسوي فيـه
سيف : اكيييد مرتي حبييبتي بتطلع احلى وحده فيهم
اريج : اااممم ماعرف ماظن لاني موب ملكه جمال
سيف : لالا ترمسي كذا والله انك جميله بس انتي مهب مقدره
اريج تضحك وتضم سيف بخفيف : سيوف تذكر اول زواجنا كنا كله نتهاوش
سيف فقع من الضحك لما تذكر : والله كنتي مسويه لي جوو هبله كنتي كله متسببه
اريج : ترى ارجع نفس ماكنت هاا
سيف : لالا خلص
اريج : سيف متى بنروح الامارات ؟
سيـف : بكـره انشالله
اريج بضيق : وبفارق مجود اخـوي
سيف : احنـا نشوف الاوضاع هنـاك وعقب نقرر اوكيه نوونه ؟؟
اريج ببتسامه : اوكييه حبي

---------------------------------
دخـل فيصل البيت اللي اشتاقله كثييير
فيصل ينادي : ريهااام رغد
طلعت رغد من الغرفه تركض وراحت ضمته بقووه
رغد : وحشتني يالدبب والله عرفت قيمتك لا تسافر وتخيليني الحين رهوم بتزوج واريج بتروح الامارات خلني اسافر معااك ونكمل هنـااك
فيصل يبعد عن رغد
فيصل : هيي عاد لا تعورين قلبي انتي حكيتي لي انا طول يومك بالجامعه ولما تطلعين تروحين مع ربعك للمجمع وين الملل وبالصيف خذتي صيفي
رغد تجلس ويجلس فيصل احذاها : بعد ودني معاك تكفى
فيصل : افكر
رغد : صصصصج ؟؟
فيصل يبغى يسكتها : ايوه بس ماوعدك ترى
رغد : عاادي المهم تفكر
فيصل يتامل رغد اللي لابسه تنوره سوده ضيقه لين نص الساق وقميص ابيض وحاطه روج احمر ومسويه حواجبها جاينيز صابغه شعرها لما شافها عباله ريهام وضعفانه حيل
فيصل : رغد انتي شمسويه بعمرك ؟؟
رغد بغرورو : خبرك الجامعه
فيصل : اوك وضعفانه كثيير
رغد : يوه مشتركه بدايت مع البنات
فيصل يطالع اخته اللي تغيرت كثير
وشوي ودخلت ريهام
فيصل وقف لاخته اللي حلوت اكثر وصارت احلى من رغد بعد ماكانت رغد احلى
ريهام ضمت اخوها بقوه
بعدت ريهام عن فيصل
ريهام : قولي اخبارك وش مسوي وشلون السفره بدونه ؟
فيصل : ههه والله ماتسوى حاجه
ريهام : يابعد حيي ياخوي
فيصل التفت على رغد لقاها لاهيه بمجله الازياء والموضه
فيصل : اممم اليوم حسن رجع
ريهام انصدمت : وين رجع ؟؟
فيصل : هو ماكان مسافر ؟؟
ريهام : لا سفرته عقب اسبوع
فيصل : بس انا شفته اليوم راجع ومعاه امه
ريهام بان بوجهه الضيقه
فيصل حب يغير الموضوع
فيصل بضحكه قويه : فاتكم عيسى رفيجي شسوه مع البنات بالجامعه
وتم يسولف فيصل لريهام لان رغد لاهيه او تلهي عمرها عنهم يكفي اللي بتشوفه اليوم بالعرس

--------------------------------------------------------------------------------

**اميـره** · 12-18-2010 12:57 AM

------------------------------
السـاعه سبـع بقاعه الرجـال
دخل للقاعه وعلامه الضيق بوجهه
وراح للمعرس يسلم وهو يردد هالقصيده بقلبه

{

ابد ماجيت ابارك لك ولكن جيت ابا أوصيـك // على اللي ناوي(ن) تدخل بها الليلـه .معذبتـي
ترى لولا الظروف الي عطتك وحدت محاكيك // قسم بالله ماتدخل عليهـا لـو علـى رقبتـي
ولكن النصيب اقوى ولا ادري ويش اسوي فيك // نعم صارت معزبتـك ولاصـارت معزبتـي
كذا صارت لي القسمة بتحرمني لأجل تعطيـك // كذا لازم عشان تفوز انت انا اخسر بتجربتـي
تراهـا غاليـه جـدا وتكفـى والله يخلـيـك // تدللها..تدلعها..تنسـيـهـا مصـاحـبـتـي
انا من كثر مااغليها احس اني بديـت اغليـك // ولا تسـأل بايـة حـق والا وش مناسبـتـي
لانك لو بتسألنـي بتسمـع شـي مايرضيـك // لـذا ياخـوي لاتسـأل ولاتسمـع لأجوبتـي
ابيك تحطها في داخل عيونـك وبيـن ايديـك // وهي دلوعه اعتادت علـى كثـرة مداعبتـي
فداعبها شوي شوي حتـى تشتهـي طاريـك // وشاغبها الين تقـول بطـل مـن مشاغبتـي
واذا هي مالها خلقك ولاتضحـك ولا تسليـك // تحملهـا واسألهـا ياعمـري ليـه عصبتـي؟
وبالك اسمع انك يوم تضربها وهـي تشكيـك // مايحتاج اوري لك بفـن الضـرب موهبتـي
صحيح انك بتملكها ومعـاك العقـد بالتمليـك // وانا عارف حدود الله ومـن حقـك معاقبتـي
ولكن قل لها المجنون وصانـي وهـو يعنيـك // يقول انـه بينتظـرك ولـو شيـب وشيبتـي
وانا مجنونها الي مانساهـا وانـت مايمديـك // تغطي ذكرياتي فـي هواهـا ربـع تجربتـي
احس اني تماديت بكلامي والغضـب حاديـك // لوانك فـي مكانـي ماتفكـر فـي محاسبتـي
كفاك اني تركت الليله اشغالي عشـان اجيـك // دخلت القاعه برجلي ولاادري ويـش عاقبتـي
وانا ماجيت اخرب عرسـك الليلـه ولاآذيـك // اناجيتك عشان اخاطبـك واسمـع مخاطبتـي
توصى وانتبه واحـرص عليهـا والله يهنيـك // ترى كل الكلام الي طلع من ضيقـي وكبتـي
ولكن ماقدرت انـي اقولـه وانـت مايخفيـك // اخاف اني اذا قلـت تقـوم وتقطـع رقبتـي }
حسن وصل لخالد وقاله بضيييق : مبروك
خالد استغرب من حاله : الله يبارك فيك
ماكان خالـد حالته اسوء من حسن خالد حط في بالـه عقب 6 شهـور يطلقها ويرجـع لرغـد وهو قايل لهـا من قبل ان راح يطلق ريهـام ويرجـع لرغـد وريهام تعرف ورغد تعرف

في قاعـه الحريـم الساعه 11 على زفه " ريهـام "
نزلـت ريهام بفستانها الابيض وتحاول تتبتسم وتمسك دموعها وشافت رغد اختها اللي عيونها مغرقه من الدمـوع
حاولت تتبتسم لهـا رغم حزنها وضيقهاا بلعت غصتهاا وكملت دربهاا والضيقه عمت عيونهـا
وبعـد ساعـه بعـد مـا سلموا على العـروس بلغوهم بدخول المعرس
تغطت ريهام لان راح يدخلون ماجد وربعـه
دخـل خالد وابـوه وماجد وسيـف ومحمد ولد عـم خالد

خالد صاكه فيه الدنيا وماجد متضايق على حال رفيجه
جلس خالد جمب ريهام وهو متضاايق وماوده بهالعرس لو مو الفشله كـان قام
بعد ماطلعوا الرجاجيل تموا نص ساعه
خالد همس لريهام : ريهام يلا خلنـا نقـوم
ريهام هزت راسها بالموافقه ونادت على اريج تبلغ المطربه بخروجهم
وقف خـالد و وقفت معاه ريهـام ومسك ايدها قدام النـاس طبعا
ريهام دارت عيونها على القاعه ادور رغـد ماحصلتها

وعنـد رغـد كان بالحمام " الله يعزكم " وتبكي بصمت سمعت زفتهم
وقالت في نفسها اكيد بيطلعون عدلت شكلها ومسحت دموعها وعدلت مكياجها
ونطرت خمس دقايق عشان يمديهم يطلعون ويركبون السياره بدون مايشوفونها طلعت رغـد من الحمام و وجهه احمر وحيل متضايقه
كانت تمشي ومنزلـه راسها ماتبغى ترفعـه ماتبي احد يشوف دموعها رفعـت راسها شافـت
" خالد وريهـام "
حاولت تهرب ماكان في مكان هي بعدت عن بوابه الدخـول
صدت على طول وراحت للحماام وتحس تنفسها وقف وقلبها يدق بسرعه خياليه وصـوره خالد ماغابت عن عينها حتى وهي تغمضها تشوفـه عينها كلش ماراحت لريهام عيونها ماكانت تشوف الا خـالد اللي ملك قلبها مهما حاولت تكابر وتتظاهر الا مبالاه هي بالاخر ضعييفه وتفشل كل تجربه لها تفشل ليه ياربي اشوفه بيوم عرسه وماسك ايد ريهام بعد استغفر الله العظيم الله يكتب اللي فيـه الخير انشالله

وعنـدد خالد وريهام
ريهام تناظر خالد اللي ساكت من اول ماشاف رغـد بفستانها الاسلفـر اللي هـو اختاره لها وشعرها الاسود سواد الليل وعيونها الوسيعه الناعسه الرمادريه ورموشها الكثيفه تنهد والتفت لريهام
خالد : انتي من ؟؟
ريهام بهمس وهي منزله راسها : ريهام
خالد سحب ايده منها : البسي عباتك
ريهام لبست عباتها واريج كانت معاها وشافت الموقف كله
بعد مانتهت ريهام خالد وريهام طلعوا

ريهـام تفاجأأت بشكل واحد واقف قريب من مدخل القاعه ومتلثم وعيونه حمرا حاولت تركز اكثر وتنتبه بس ماقدرت تشوف شي لان كان ظلام وهو متلثم بس اللي تشوفه ان هو يبكي
خالد كان يناظر ريهام ويناظر الرجال اللي واقف بالزاويه
خالد : تعرفينه ؟؟
ريهام وهي مازالت تشوفه : خله يرفع راسه ابي اشوفه احس ان اعرفه
خالد بعصبيه : يعني اروح واقوله ارفـع راسك
ريهام رفعت حاجب : اشرايك ياخ خالد تفصخ العقال بعد وتضربني
خالد تذمر : يلا دخلي
ركبت ريهام السياره وهي معصبه من خالد بس عاذرته من بعد ماشاف رغـد تعكر مزاجـه
خالد ركب وصك الباب لكن قبل مايصك وقف واحد قدامه هو اللي مساع ريهـام تشوفه
الرجال شال اللثمه ودموعه متحجره بعيونه وانفه احمر ويرجف
ريهام : حسسسسنن ؟؟؟؟
خالد يناظر ريهام ويناظر الرجال اللي واقف
حسن ودموعه تنزل وماحسب ان دمعه الرجال تهز المراه : انزلي ريهاام تعالي معاي انااا ( رفعه اصبعه وكمل : شوفي انا لابس الدبله اللي انا وانتي شريناها انزلي ريهام يلا عقب باجر سفرتنا لاستراليا انا اليوم جيت اكلمك عشان ترجعين بسس صاادف يوم عرسك ريهام انزلي معاي وخلي خالد يـروح لرغـد انتي لـيي انـا وان ماكنتي لي لا تكونين لغييري
خالد مازال ضايع بينهم عرف ان هذا اللي ينقال له حسن كان يحب ريهام وريهام تحبه التفت على ريهام
اللي كانت منزله الطرحه من وجهه ودموعها على خدها اللي رافقوها بالفتره الاخيره
حسن وهو يمسح دموعه وتنزل دموع جديده : خاالد خاالد خلها تنزل معاي طلقها ادري ان الناس بتكلم عنها وبتقول تطلقت من ليله عرسها بس انا راح اتزوجها عقب العده
خالد يفكر ليه مايسوي اللي قاله حسن
خالد اللتفت على ريهـام : ريهام
ريهام ابتسمت ان بيطلقها : هلاا ؟؟

نهـايه البـارت الواحــد والعشـروون
توقعااتكـم ؟؟؟؟؟؟؟؟؟؟؟

ضع إعلانك هنا

آخـــر الــمــواضــيــع

الموضوع: روايـه طيفي مع بنتـــه يجيـــه / بقلـم : بكتنــي مشاعــره

LinkBack

أدوات الموضوع

عرض

معلومات الموضوع

الأعضاء الذين يشاهدون هذا الموضوع

المواضيع المتشابهه

روايـه لم تكتمل فصولها (بعد) ركني الهادئ

مواقع النشر (المفضلة)

مواقع النشر (المفضلة)

ضوابط المشاركة

كلمات البحث الرئيسية

بنت ستايل	عالم حواء	المكياج والتجميل