الموضوع: خذني بحضنك / روايه لرذاذ الماس

»‏«»‏«»‏«»‏«»‏«
♣خذني بحضنگـ ♣4
‏«»‏«»‏«»‏«»‏«»

السعوديـــه.....
؛،.» بيت ام حـاتم «.،:
=======
الساعــــــ 10م ــــــه


مركز حركات لتحميل الصور والملفات والفلاش مركز تحميل مركز تحميل صور مركز تحميل ملفات رفع صور رفع ملفات رفع فلاش - smoo_f1VviEV7J2.bmp




......./يـارا ياعسوله وينك؟
يــارا متخبيه /مدري!
التفتت بسرعه على الصوت وراحت ركض خلف الستاره ومسكتها/عليك يالله الحقيني...
يــارا تصرخ/لا ا ا ا انتي تركضين بسرعه!
سمر/قولي ماشاء الله ...الله يكفيني شرك!!
يــارا/لابطلت...
سمر/والله لو بطلتي الحين لاصكك بكف اشوف لي ساعه الحقك ماقلتي بطلت ويوم جا دورك بطلتي....
/بطني يعورني بروح عند ماما(تصرف)
/عسى ان شاء الله ....(بحقد) اقول يابرد قلبي يوم نواف ما يلعبك معه...
حاتـم -العنـود-احمـد/هاهاها
هاها...
زعلت /كولي تراب...
شهقت بصدمه/هئئئئئئئئئ
وشهوا.. التراب لخاله ياياروه طقتها على خفيف... وبكت ...
الجــده بعصبيه/سمور انتي ورعه يوم تلعبين مع البزر...
احمــد يغيظ سمر/لا ياجده هذا يسمونه طفوله متأخره..
راحت له وحطت يدها على خصرها/اقول اخ احمد ياليت تحترم نفسك ... وبعدين المسكينه هنا من العصر محد لعب معها حتى بن عمي الموقر (نواف)مارضى يلعبها بلايستيشن...
احمــد يسوي نفسه متأثر/
حر ا ا ا ا ا ا م!
سمــر خذت علبه المناديل ورمته عليه وكان في يده فنجال قهوه وانكب عليه وقام يلحقها بس ماقدر يمسكها كانت تدور حول الكنب...
احـمـد وقف/تعالي ...
خايفه لانه يكون شرس لحد زعله/خايفه!!
احمد/احسن لك تعالي..
بخوف/وديــع
/لا اليسار..
/اخاف تمشخني!
/قطوه
/لافــار (وحده مروقه)
بعصبيه/سمور تعالي!
/جده تشوفينه..
احمد/لاعميــاء!!
هنـد-حاتـم/ههههههه
التفتت للعنود /اضحكي كل هذا عشان ادافع عن الحماره بنتك!!
بصوت عالي/يعني اتصرف انا!
/لاتصرخ علي تقول شارب!!
/شارب وإلا لحيه..ههه
بحقد/اقول ياشين السرج على البقره!!
عصب و لحقها لحد مامسكها ورماها على الكنب ومسك شعرها من البقره ؟
بخوف/انا ا ا ا ا ا
/ليه كبيتي القهوه علي؟
بدلاخه/مهوب انا المنديل!!
/المنديل هاه "وقوى على مسكه شعرها"
/جده فكيني منه!
/ليه مربطك..
/جــــــــده!!
/عشاني يااحمد خلها..
يكلم سمر/قولي اسفه اول...
/تحلــم
/يعني عاجبتك مسكت الشعر... وسحبه..
صرخت/جــــده
الجــده/انا حلفت ان تخليها..
فك شعرها وقام..
تمسك جلد راسها/ضعفه ان شاء الله
جدتها/تضعف العدو...
سمــر/..................
الجــده/يالله روحي فوق..
بدهشه/ليــش!!
احـمـد/ازعجتينا...
تطالع جدتها /مابدي لسى بكير!
الجــده/شو اللي بكير
احـمـد بمرح/ياولــد على اللبناني ولف لعمه وضحكوا...(يجي منها)
احـمـد استاذن وراح لغرفته عنده شغل...
بعد مامشى راحت سمر وجلست جنب عمها... باهتمام/اقول عمي مالاحظت شي بااحمد؟
حــاتم خاف انه انتكس من جديد ..بخوف/لا
سمــر/رجع احمد الاولي...
حــاتم/الحمد لله!!
الجــده/وش تساسرون تقولون!!
حــاتم/لا ولاشي..
سمــر /إلا نحش فيك!
الجــده/ وانتي من بقى ماحشيتي فيه!
حــاتم/واو واو واو...
تطالع عمها لانه سوا كذا عشان جدتها احرجتها/ عادي "ولفت لجدتها "باقي واجــــــد
الجــده/اعقلي بس
/بقى حرم عمي و.....
كـح كـح كـح كـح (خانقها عمها)
حاتــم/وش قلتي!
/اقول لا اله الا الله...
حاتــم/اشوا حسبت بعد!!
....دخل غرفته و سكر الباب
طق طق طق (صوت احد يدق الباب )
احــمد/ادخل...
اللي برا دق مره ثانيه..
احــمد بصوت عالي/ادخل...
يــارا/ماعرف ادخل!! (تقصد
ماتعرف تفتح)
قام وفتح الباب و شاف يارا ماسكه يد عزوز ووراهم روميو وابتسم... /هاه اشعندكم!!
طمن وشال عزوز ويارا مع بعض وحطهم على السرير..
يمووت عليهم يذكرونه بنفسه يوم كان يداجي سمر وهم صغار..ويارا دايم ورا عزوز لدرجه ماتخلي احد يشيله وهو مو راضي..
احــمد/هاه وش عندكم؟
يــارا/خالي خل نروح للملاهي..
احــمد/وليش مايوديكم بابا!
يــارا/يجي من المدرسه تعبان .
احــمد/وانا بعد!!بس ولايهمك نروح بكره زين؟
قامت تناقز على السرير وتصرخ هيه هيه خالي وبس والاهبل عزوز معها يصرخ مايدري وش السالفه...وخذاهم لصاله وقال لسمر/شوفي بدخل ولايلحقني اللي وراي!!
طالعت وراه ماشافت احد/من!
صد ومالقاه ونادى بصوت
عالي/روميــــو...
(طبعا احمد طلع من غرفته مهوب عشان يوصل اعيال اخته تحت لا عشان يلحقه روميو بس ابن اللذينا فاهم الخطه دامه ماطفى النور معناها عنده رجعه هنا مع ان احمد يعرف ان روميو من الحيوانات الذكيه بس نسى يطفي النور مثل عادته لابغى يصرفه)
شاف روميــو ينزل/ بدخل المطبخ وانتي صرفيه عشان مايشوفني وانا طالع ...
العنــود/طيب ادخل وسكر الباب قبل لايوصل اصلا يبي له ساعه يرقى الدرج...
هنــد/بلاك ماتعرفينه لو سوى كذا بيشيلنا بصراخه تقول ولد له...
العنــود/اوووف!!
سمــر تكلم احمد/حرام يبغاك..
احمــد/انا مشغول بيزعجني لو دخل...
سمــر/اخاف يصرخ علي!!
احمــد/روحي نادي له نواف يعرف له...
وبعد ماخذاه نواف طلع احمد لغرفته فتح درج المكتب وطلع الملف خذا قلمه وفتح الملف وشاف صورتها صوره احب الناس على قلبه ماخذها من عند سمر قبل زعله من بشاير يعني من شهر...
(كان داخل غرفتها يبغاها بسالفه بس كانت بالحمام جلس على السرير شاف مراجعها وشاف واحد منهم مكتوب عليه "بشاير بنت تركي"
خذاه وفتحه لقى في الصفحه الاولى ملاحظات ومسجله رقم كاتبه عليه المتفائله ومن داخل تخطيط بس كان مرجعها نظيف عدا الصفحه الاخيره كانت كاتبه
(اذا جلست يوماً وحيداً تحاول ان تجمع حولك ظلال ايام جميلة عشتها مع من تحب اترك بعيداً كل مشاعر الالم و الوحشة التي فرقت بينكما حاول ان تجمع في دفاتر اوراقك كل الكلمات الجميله
التي سمعتها ممن تحب و كل الكلمات الصادقة التي قلتها لمن تحب وإذا سألوك يوماً عن انسان احببته فلا تقل سراً كان بينكما ولا تحاول ابداً تشويه الصورة الجميلة لهذا الانسان الذي احببته اجعل من قلبك مخبأ سرياً لكل اسراره و حكاياته فالحب اخلاق قبل ان يكون مشاعر)
تنهــد... و حط مرجعها على صدره فتحه بسرعه عشان يشم شذى عطرها طاح شي منه كانت صوره قلبها وشافها شاف ملاكه وحبه وقلبه حطها بجيبه وسكر المرجع وطلع)
كانت لابسه عبايه التخرج حقت الثانويه لونها اسود على فوشي كانت روعه رافعه شعرها بتسريحه حلوه ومنزله خصل قام وانسدح على السرير يتأملها مثل كل ليله ......





םסם
סםסםס
םסםסםסם





Suspended







اليــوم الثــانيــ ....
العصــــر......
=========
معتــز/الــــو
مــازن/هلا والله بابو ندى وراكان!!
معتــز/ههههه
مــازن/قل اميــن عسى الله يرزقكم بتؤام عشان يثبت ابو راكان اللي محد راضي يناديك به..
معتــز/بسلامة امهم!!
مــازن/اميــن...إلا على طاري امهم تراني مشتكيك عندها
معتــز/ليــــش!
مــازن/اقول قاطع...
معتــز/الله يعيــن والله اجهز البيت عشان اول ماتوصل نملك ونحدد الزواج...
مــازن/تستاهــل ...شخبار الأهل...
معتــز/ماتلاحظ انك ماسألت عني ...
مــازن/يعني انت اللي سألت!!
معتــز/ههههه..شخبارك
مــازن باستعباط/لا لا سكر ودق من جديد!!
معتــز/ايه هيــن..
مــازن/هههه شخبار خالي والشباب...
معتــز/يزقحون...ترا فهد
يسألني عنك يقول غير جواله قلت لا!!
مــازن/كلمني البارح..
معتــز/ايه قلت له الخط مايمسك على يسر جرب ثانيه ..
مــازن/طيب شخبار خالي مبطي ماكلم مهيب عادته...
معتــز/ماعليه بس عشان تعرف ان مايدق لك الا انا!
مــازن/اقول روح بس...احمد مكلمني من يومين وهيثم مكلمني اليوم من الشركه و عطاني ابوك وابوي ....
معتــز/ولو...
مــازن/متى آخر مره رحتوا للي خبري خبرك..
معتــز/رحنا الجمعه اللي فاتت!
مــازن/شخبارهم..
معتــز/تسأل عنك امه تقول وينه قلنا سافر...بس والله لو ماجاك الا دعاها لك!!
مــازن/الحمد لله ...
معتــز/هاه بس متى ترجع ترا مليت!!
مــازن بتعجب/من وشو..
معتــز/من سفرتك اللي علقتني لو مالكين كان الحين محددين الزواج...
مــازن/هههه وش مطيرك...
بسخريه/وشهو اللي مطيرني حتى المكالمات مانعينها عني...
مــازن/طبعــا.
معتــز/اقول بس يالله خسرتني على الفاضي..
مــازن/وش تبي...
معتــز/كلم ميهاف وقولها ترد علي...
مــازن/ان شاء الله لاصار بكره زواجكم بقولها!!
معتــز/هذا اللي الله قدرك عليه!
مــازن/هههه تقول ترد عليك عندك رقمها!
معتــز/مهوب شغلك فمان الله وسكــــــر....
مــازن توقعه يمزح وارسل له
(ولا تزعــل لاتملكتوا بقول لها)
ارسل له معتــز..../
(لا تملكت ماشاورتك)
ضحك وراح لبدر في الغرفه يذاكر معه.....

¶ ¶¶ ¶¶ ¶¶ ¶¶ ¶¶ ¶












الاسبــــوع الاول من امتحانــــات الشلــــه....
‏=======
‏....طلعت غــدي الأوله بس انتظرت البقيه على درج المبنى
وبعدين طلع مازن وسألها...
مــازن/وش سويتي؟
بابتسامه/الحمد لله وانت.
مــازن/ماتوقعت بيكون كذا بس ربك سهلها!وش رايك نروح لصاله الداخليه لحد ماياصلون...
غــدي/يالله...
.. شوي دق جوالها ..
/ها ا ا ا اي غدي..
غــدي/هلا بعمر غدي..
/بشــري!!
غــدي/الحمد لله..
/زيــن ..
غــدي/يعني!
/طالعه بدري؟
غــدي/لاتوني من10 دقايق ليش؟
/ دقيت من شوي مارديتي !
غــدي/ايه كنت حاطته على السايلنت...ههه
/ليش تضحكين؟
غــدي/بغيت اسأل عن امتحانك تذكرت انك خلصتي..
وصل بــدر/هاه مزون بشر..
مــازن/تمــام..
بــدر/وانتي غدي...
غــدي/زين...لحظه -----..."طالعت بدر" تدري كنت شايله همك يوم تأخرت خفت يلغون امتحانك!!
بــدر/كنت اشرح مسأله لمجدي والشله يقولون انها مهمه وجت في الامتحان..
غــدي/خساره ليتني تأخرت اجل!!
...هو من سمع اسمها من غدي حن لها كان وده يقول لغدي حطي على المايك..وده يسمع صوتها واحشته مووووت...
ريمــاس/الــو...غدو
غــدي/هههه هلا
ريمــاس/ هذا بدر..
غــدي/ايه.
ريمــاس/شخبار امتحانه؟
غــدي/يقول زين..
ريمــاس بتردد/ووو مازن
غــدي/تمام مستانس يقول حلو..
ريمــاس/سلمي عليهم.
غــدي/شباب ----- تسلم عليكم..
بــدر/الله يسلمها... شخبارها..هي اللي معك؟
غــدي/تمام..ايه هي تبي تكلمها؟.
بــدر يصرف/بعدين..
"سلمي عليها "...ومشى..
ريمــاس/تسلم ياقلب ----- وروح ----- وحياة -----...
غــدي/لحظه بعطيكياه!!
ريمــاس/لا لا غدي...
غــدي/ايــه اعقلي..
ريمــاس/لا يكون يسمعك!
غــدي/لا طلع ولحقه بدر..
بخوف/وش فيه؟
غــدي/ماادري..احيان يكون معنا بالجسم فقط..
ريمــاس/ليش خوفتيني عليه.!
غــدي/تغيــــــر...
ريمــاس/.....................
وصلت ميشو...ومجدي.
غــدي/----- كلمي ميشو بشوف مجدي جالس يصحح الامتحان مع الشباب...
ريمــاس انقهرت كانت تبغى تستفسر عن مازن..
ميشــو/هلا -----..
ريمــاس/اهلين كيفك؟
ميشــو/الحمد لله..
ريمــاس/وكيف الامــ .....
ميشــو تقاطعها/حلو انتي كيفك!!
ريمــاس/الحمد لله..........وتنهدت..
ميشــو/اش فيك؟
ريمــاس/مازن تغير..
ميشــو/مافهمت.
ريمــاس/مستانس
ميشــو/بصراحه لا مثل اللي ماله نفس بشي!!
ريمــاس تنهدت
ميشــو/مانساك يا----- كل شي يقول كذا!!
ريمــاس/.................
ميشــو/صدقيني بيكون بخيــر
ريمــاس/اتمنــى












°°°°°°°°°°°°°°°°°°°°
.....رجع لشقه متضايق مثل العاده كل ماتجــي سيرتها يمشي يتهرب يكابر..انسدح في الصاله وشغــل التلفزيون كان فيه راشد يصدح بـ الا يامطوله صبري...رفع الصوت...
(،الايامطوله صبري اذوق المـر من گـاسـه الا ياگم قسـى دهري علي وگـم قسوا ناسه تهنـى من سلى قلبه مشـى گـلآ على دربـه وطيت الشوك انا وحدي ولاقبلي احد داسـه
،احد مثلـي بگـى دمـه بگـى دمعه ولافاده احد مثلي قسـم همـه معه في شربـه وزاده الامـن قد صبـر مثلي وانا في حالتـي مبلـي وقل الحـظ من صغري معي للحيـن وهو عـاده، على الله يابقـى دمعــي محد غيرگـ وفـا ليا جفوني كل هلـي وربعـي وانا مگفي على النيـه يادنيـا لو على قلبـي احبـك بس وش ذنبـي رضيت انا بردى حظـي وحظـي مارضـى بي،،)
عنده رقمها بس ماهانت عليه نفسه يـكلمها وهي ماودعته...والاهم رسـالتها انت آخر من على الحب يـتكلم...ذبحته مو قادر ينسـاها وهو عاد بالكبريا ياخذ امتيـاز مع مرتبه الشرف
...والحيـن لهم 3 شهـور محد تنازل ودق لثاني..رغـم ان كل واحد يثق بمكانـه بقلب الثاني بـــس.........

םסם
סםסםס
םסםסםסם

بعـد مـــرور الامتحانــاتـ
بسلا ا ا ا ا ام ....
========
هيثـم/الــو
مــازن بشوق/هلا بالغالــي هلا بأبوي وكل ناسي ...حياك..
هيثـم/ههه كل هذا لي!
مــازن/ماعندي اغلى منك..
هيثـم باهتمام/طيب بشر كيف امتحانك؟
مــازن/الحمد لله ماصدق اني طليــق!
هيثـم/ بتجينـا؟
مــازن/ما اعتقـد ودي اشوف حل مع عنوده اول!.
هيثـم / وليــــه ماتنساها؟
بضعف/ماقدرت ......
هيثـم/الله يعينك بس ماقلتلي انها جتكم..
مــازن/من قال جت انا ودي اسافر لها...
هيثـم/اوففف لهالدرجه ماتقدر عنها..
تنهــد
هيثـم/زيــن لاتنسى تكلم خالي محد فرح لك قده!.
مــازن/اكيــد ياانا مشتاق له!
هيثـم/زين سلمني على بــدر...
مــازن/وين توك!.
هيثـم/ايه بلا الفاتوره مهوب انت اللي بتسددها...
مــازن/ههههه الله يخلي ابوي..
هيثـم/آميــن. إلا مازن عندك فلوس...
مــازن/فداك..
هيثـم/اتكلم عنك تبغى شي عشان تميلح عند الغرشوبه إذا رحت لها!
مــازن/ههههه مشكور مخليك لعوزه بس ترا انا مملوح مايحتاج اتميلح....
هيثــم/ايه صح بس قبل لاتسافر دق لي!
مــازن/بغيت شي...
هيثــم/لابس اتطمن!!
مــازن/افا عليك تامــر امر...
هيثــم/O.k‏ بــاي..
مــازن/‏ بــاي...
°°°°
°°°°°°
°°°°°°°°

....بــدر في الصاله ينادي لمازن بس محد رد عليه.
دخل لقاه واقف في البلكونه وجواله معه/اشفيــك؟
بطفش/ولاشي.. هيثم يسلم عليك..
بــدر/الله يسلمه..شخباره؟
مــازن/بخيــر..وش رايك نطلع طفشان...
بــدر/افا ا ا ا ا ا هذا وانــا هنــا
مــازن/هههههههه
بــدر/ايه اضحك وروق وبعدين وش مطفشك..
زفر/ مــدري
بــدر/يالله اجل مشينــا..
وهم يتمشون ...
لاحظ ان مازن مو معه سرحان/ابو معــاذ وش شاغل بالك الاهل فيهم شي...؟
مــازن/لا الحمد لله بس مدري وش فيني كنت مخطط لاخر يوم نتمشي ونروح مع الشباب لسينما ونفلها لكن مدري وش صــــار!!
بــدر/لكن انا ادري..
صــد له /خيــــر.
بــدر/انت ببساطه من الناس اللي لو مافيه شي ينكدهم يتنكدون.....
يقاطعه/لكن....
يقاطعه/ لاتنكر انت كذا انت والنكد اعوان على الوناسه!
تنهد/يمكن..
بجديه/ ليه ماتروح لها
مـــازن/خايف...
بـــدر/من -----!!
بسخـريـه /لامنك..
بجديه/تعرف مازن احس انك قاصد اللي صار مع ----- لانك ضامن حبك بقلبها..
بضيق/ماراح ارد عليك!
بـــدر/ليــه
مـــازن/كيف ليه هذا وانت اقرب واحد لي تقول كذا وش خليت للغريب!!
بـــدر/خلاص روح لها بالتليفون ماراح تفاهمون و لاتوصلون لحل..واعرفك اول ماتعصب بتسكر التليفون و هي ماراح ترضى على نفسها فأحسن شي روح لها وجه لوجه اصلا اول ماتشوفون بعض بتذوب المشاكل وهي بتقدر جيتك لها هذا إذا ماخذتك بالاحضان اول ماتشوفك بعدين بتعاتبك ويمكن تنسى لك اللي سويته
مـــازن/متــردد!!
بـــدر/كيفك بس هذا احسن حل!!
...مازن يعرف سكن ----- بس على ورق لانه ارسل لها هديه عيد ميلادها...
لكن مايدله بالظبط...
بــدر/ قوم بس اعزمني على العشا ترا على غداي للحين..
بمرح/يا اخي وين كلامك يوم علي ويوم عليك لي حول شهر اكد عليــك..
بــدر/بتتمنــن انت وجهك علمني اسحب من البنك!!
مــازن/انا لو ادري لاقلتلك كذا بتسحب كان قلت لك من زمان..
بــدر/اصلا انا مو مشتهي..
مــازن/ليــــش؟
بــدر/احب انام خفيف..
مــازن/اشو اجل انا بطلب وجبه...
بــدر/زدلي معك..
مــازن/تو تقول بنام خفيف...
بــدر/ايه بس دامك طالب طالب جبلي معك!!
وركض ولحقه مازن و عطاه بقس...ودخلوا المطعم...

.... .... .... .... .... ....
الساعــــ ½11 ــــه...
كان منسدح على سريره خذاجواله عشان يحط المنبه لصلاه الفجر...
جت في باله ريمــاس لانها كثير ترسل هالحزه قبل لايزعلون فكر يرسل لانه من زمان ماأرسل لها خصوصا انها من يومين ارسلت له 3رسايل بس مارد لها ارســل.../
(رحت اسولف للجبال الصم عن قصة رحيله،،،،
ماتركت امتونها الاينحت الدمع بصخرها
كن ربي صخر لها المعجزات المستحيله،،،،
وإن تبسم للجبال الصامته نطق حجرها)
جاه الرد على طول كأنها ماصدقت ارسل.../
(عرفت الناس والدنيا وطريقي
وعرفت ان الهـوى كذب وأماني!
خذاني الشوق والحب الحقيقي
لذاك اللي عقـــب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيــــــري غريق
تنـــكر من هواي ومن حناني!)
...ليه تقولين عني كذا اجل لو ماتدرين عن حبي لك وش تقولين انقهر من حركاتها وحط الجوال على السايلنت على اساس بينام بس جافاه النوم رجع للجـــوال...وقام يقرا رسايل ----- من سافرت كان حاطهم في حافظه بأسم
"تذكار عيشوا على التذكار"
كانت قاسيه وجافه...تذكر مسج خذاه ايام الامتحانات من حمدان وارسله لها...
(شوف عقبك حبيبي كيف أصبح
زمانـي وكيف أعيش الليالي وانت عني بعيــد شوفني كل ليله من فراقك اعانـي وشوق قلبي لقلبك كل يوم يزيــد كل شي يا حبيبي مات حتى الأمانـي ما بقى غير حزني والبكا ما يفيـد لو عرفت بغيابك كيف يصبح زمانـي كان ما عشت لحظه وانت عني بعيــد)
ردت.../
(مستحيل اللي يحب ينسى شخص حبـه..حتى لو مرت عليه من السنين دهـور
مستحيل يلقى شخص ثاني يملكه قلبه..حتى لو حبيبه ما يبادله نفس الشعـور هذي حقيقه كتبها قلبي عـن تجربـه..ماهوب كلام يطلع من غيـر دستـور هذا شي مجرب وعني انا لا تستغربه..تمر سنين وتلقى حبـك لازل مذكـور )
اوف اخيـــرا اعترفتي اني بقلبك
موجود للحيـن استانس وارسل..../
(عساهم يذكروني مانسوني
مثل ماذكرهم بالبال طاري
حبايبنا عساهم يفهموني
انا مابيـــع دوم الدوم شاري)
ردت.../
(يابعـــد هالعالم و هالناس ياآخر احبابي ولأول..
حبك وسط عيني و عالراس يبقى وحب الغير يرحل)
طا ا ا ا ا ا ار من الفـــرحه
قام يقرا رسالتها يتمعن كل حرف فيها....إلى ان دق جواله بوصول مسج جديد...افتحه...
(لو تعرفوه لو يوم آبلكو اسئلوه ليه الأيام بياخذوه .. لو تعرفوه لو يوم شفتوه علموه فيه ناس هنا بيحبوه)
...ضحك وارسل عشان يغيظها..../
(وفكروه فاتني وبستناه وكمان بئا عرفوه من فات حبيبه تاه)
استانست من حركته يعني مروق...ارسلت...
(!!أنا من غبـــت عنك ماقـويت أنسـاك‏
انا كيف أبنسى اللي خيالــــه ساكـــن فينـــــي!!)
ارسل لها....
(المشاعر في غيابك ذاب فيها كل صوت
ولليالي من عذابك عذبت فيني السكوت)

¶ ¶¶ ¶¶ ¶¶ ¶¶ ¶¶ ¶









مــر علــى هــذي الأحــداث
اسبــــــوع....
=========
بــالهــايــد بــارك
مــازن/والله ابو سيف له فقده..(ابو سيف=حمدان رجع للأمارات)
بــدر/هذي الدنيا...اقول مازن عندي سالفه بقولها بس لاتزعل...
مــازن/هات ماعندك ياأخ!
بــدر/هات ماعندك ياأخ ...هذي وشلون تركب!
مــازن/هههههه
بــدر/ماعلينا تدري اني فرحان موووت مو لان الامتحانات خلصت ولا لاني برجع لاهلي ولا لان السعوديه وحشتني ولا لان.....
مــازن/هيـــه انت الظاهر تعودت على اللي بين السطور انجــز...
بــدر/هههه..المهم
مــازن/ايــوه المهم!
بــدر/والله ماتصور فرحتي...
مــازن يقاطعه/درينا مو لان الامتحانات خلصت ولا لان السعوديه وحشتك والشهادات بعد 3اسابيع ...الزبــده...
بــدر/ههههههه
بطفش/ها ا ا ا اه!!
بجديــه/لانك رجعت مازن
اللي ضاع مني من شهور مازن المرح اللي الضحكه ماتفارق وجهه(يضــحك)المجنون...
تنهد /آآه يابدر هذا وانا اتصنع الوناسه عشانكم ولاربي يعلم كم من الشوق فيني...
بــدر/وليش ماتنساها وانت مو راضي تنازل شوي عشانها وهي مو راضيه تنازل عشان اللي بينكم!!
مــازن/تقرا افكاري انا ناوي اسافر لها بس فيه عايق!!
بــدر/وشهــو.
مــازن/اخاف ماتتقبل وجودي...(ونزل راسه بأسى)
بــدر/ياولد وش تقول انت الكل يعرف وشلون تحبك..و تلاقيها بعد نفس حالتك اسمعني سافر لها وشف ليه قطعت فجأه!!
مــازن/بــس...
بــدر يقاطعه/لابس ولاشي إذا على سكنها بالظبط بسأل ميشو سمعتها مره تقول انها تعرفه..
بحده/لا انا لو بسافر مابي احد يدري اني بروح لها!!
بــدر/كيفك... خلاص بقول لهم انه سافر لسعوديه..بس متى بتروح؟
مــازن بتردد/يمكن الاسبوع الجاي!
بــدر/وليــه مو بكره وإلا بعده..
بكبر/ليش انت حار..
ببتسامه/يعني تبي تفهمني مو ودك الحين معها !!
بمراره /انا معها بكل الاوقات صح عندك بس معها!
يضحك/هيــه مازن لايكون خبطت..
ضحك من دون نفس/لابس من راحت وهي ماغابت عن عيني...
بجديه/حالتك صعبه!
مــازن/من زمان هذا حالي..
بــدر/زيــن قول تــمـ!!
مــازن/ليــه.
بأنفعال/قول تمـ..
مــازن/تــمـ
بــدر/سفرتك بكره وبقول للي يسألني عند اهله اسبوع وراجع..
بمرح/قول اسبوعين..
بسخريه/ليــه
مــازن/يمكن يعجبني الوضع!!
بــدر/لو عليك مارجعت لنا..
مــازن/طيب يمكن....
يقاطعه/لا يمكن ولاغيرها..
مــازن/O.k‏ بس مو الحين بعد يوميــن ثلاثه!
بتعجب/اش معنى!!
بتفكير/في راسي شي بتأكد منه اول ثم يصيــر خير..
بجديــه/3 ايـامـ بس...
مــازن/قل عسى ان اللي في بالي يظبط!!
بــدر/وشهــو..
مــازن/خيــر ان شاء الله بس ادع لي...
بــدر/الله ينولك اللي في بالك...
.....بعد مارجعوا ارسل مازن ل-----.../
(يعني لوما أسال عليك تهدنـي
ياأخي أسأل رفيـقك ميت حـي
مأجبـرك تشتــاق لي و تودنــي
بس كلمني شوفني محتاج شـي
حتى العدو اللي سبق وضرنــي
بين حــزه وحـزه يشيـك علــي)
..ردت.../
(تركتني بقسى الظروف
قتلــت بيديــنك وفــاي)
رد عليها..../
(ان كنت انا مخطي عليك
لاتحكي وتحمل خطاي
يامــا تحملــت الكثيــر
تخطي وسامـح زلتك)

°°°°°°°°°°°°°°°°°
بعد 3 ايـــامـ ½11 م

مازن جالس على گرسي هزاز في البلكونه توه واصل من عند واحد من زملائه مستاجر جوال (طبعآ زميله يأجر الجوال للي يبغاه لأن عنده رقمين) گان مرتبك مايدري كيف يبدأ بختراق الحاجز اللي بينهم ومتردد يرسل وإلا لا.. "لا لا مو اللحين" ياأبن الحلال أرسل وعلى الله!!"لامو اللحين ياغبي يمكن ابوها صاحي للحين"!طيب و يمكن مابعد رجع للبيت."كيفك انت حر"(صراع بينه وبين ذاته بين قلبه اللي يعشقها لحد الجنون وعقله اللي يقول اللي نساك انساه) بس مازن ساند قلبه في الراي وأرسل رسالتين ورا بعض الأولى/
((مساء الخير يا غالي فراقگ غير احوالي
جرح قلبي وسهرني و خلا الدمع سيالي
خيالك ما جفاني يوم عايش دوم في بالي
ومهما طالت الفرقه مكانك في القلب عالي
اشوفك في القمر لا طل يبدد ظلمتة ليالي
واشوفك في ضيا شمسي منور في السما عالي
احسك في دفا روحي وانت كل آماآآآآلي
حبيبي لا تعاتبني اذا ما جاك مرسالي
فما باليد تقصيري ولا للغلا سالي
قتلني الشوق في غيابك ودمعي يثبت اقوالي..))




والثانيه/
ـ ـ ماتقبلت الفـــراق و ما في يدي حيـــله
آه لو أن الظروف المقبلــه تكشف قدرها
لو يعرف الشخص منـــا وش مع الغيـــب بيجيله؟!
كـــان جنبنا المشــاكـل من قبل يوقع ضررها
ماهقيت الليلـــه اللي جابت الفرقا طويلــه
ألين صـارت ليلة امس بعيني أطول من شهرها
والعـذاب اللي يذوب بعيـــن من يفقد خليلـــه
عندي أكبـــر من عذاب العين لو تفقــد نظرها
من حفـر بضلوع قلبه حفره تكفي قتيلــه
ليه ما يدفـــن قتيلـــه بالضلوع اللي حفرها!!
لو طعونـي بالسكاكين بيده تشفي غليلـــه
والله لا شتريهـــا من عذابي و أدفع بدمـــي مهرها
وأطلبـــه ينهال فيني طعـــن لين يطيح حيلـــه
بس لايترك عيـــوني تنحرم نعمــة بصرهـــا ـ ـ
...انتظر 3 دقايق ماردت ثم أرسل/
(ليت لي قلب يتحمل غيابگـ
وفي غيابك ليت لي عين تنامـ
لوخذاك الليل وياه وسرابگـ
من يقول النور يخفيه الظلامـ
كل مافيني يحن لكل مابگـ
وأنتظر منك لويجي لي سلامـ
وش عليه القلب لومات وحيابگـ
ألتفت لي يابعد عمري حرامـ )
...----- كانت في الصاله مع سلمى بعد مادخل ابوها ينام يوم جاها المسجين ماهتمت لان يجيها احيانآ ارقام بالغلط وارقام مزعجه بس يوم وصل المسج هذا استغربت من يكون المرسل قالت يمكن غلطان وايدتها سلمى ونزلته وكملت سوالف...اما مازن انقهر منها حتى خاف يكون رقمها غيرته بس شال هالفكره من راسه ويعرفها راسها يابس وبعدين شك انها تعرف الرقم هذا لان صاحبه ماترك خليجي ماأجره الرقم بس قرر يكمل مو اكيد انها تعرفه... و أرسل من جديد/
(التفت بالهون واسمع يامـلاكـ
ودي أسولف على كيفي وأقول
إيه أحبك مـوت وأتنفس هواكـ
والعمر وياك ياليتـــــه يطول
مادخل قلبي سواك
وحــدكـ الغـــــالي وبقلبـــــي تجول
اطلب عيوني وانا كلي فـــداكـ
ياشتاء عمري وياكل الفصول)
أستاذنت سلمى عشان تدخل تنام و وقفوا عشان كل وحده تروح لغرفتها فجأه دق جوال ----- اعلان وصول مسج جديد فتحتها وقروها سوا(مع بعض) ..
سلمى/اوفف من تتوقعين ؟؟
----- بتفكير/محد في بالي..
سلمى/ارسلي قولي من انت!
----- بخوف/خاف يعاند إذا شافني اهتميت له!
سلمى/خلص ماترسلي. نامي وبكره اكلمه لو بدك..يالله حبيبتي بدي نام ..good niht‏
-----/good niht...‏
دخلت غرفتها وراحت لسرير انسدحت كان في بالها واحد لكن ماقالت لسلمى بس لو كان هو ليه مرسل وش معنى اللحين! واليوم بالذات! وهالوقت! ! وين كان وإلا توه فاضي لي .. آه يامازن ياليت صدق انت المرسل .. انا وش جاني كذبت الكذبه و صدقتها مافيه دليل انه هو ... الا هو هذا اسلوبه عندي احساس مايخيب انك مازن .. فكرت تدق على رقمه(جواله هو)لكن خاف مايكون هوالمرسل واحرج نفسي وخاف يكون هو ويستانس اني شكيت فيه و بيقول اني في بالها وتنتظرني وانا من تركني تركته صح مانسيته بس بعد ماأقدر ارجع معه ----- الأوله .. بس في الوضعين ماراح ارسل ونزلته على الكومدينا وجاها مسج جديد فتحته كانت مرتاحه نوع ما لهالمسجات ذكروها بحبها وحبيبها اللي ماسأل عنها..
[حاولت معه يمكن يرد و انا بهون عنادي واناديه
يومين ماسير علي وش علامه يومين مادري دنيته وينها فيه
ماهو مهم انه يطول خصامه هو بس يرجع عقب صده وارضيه]
ابتسمت يالله من انت .. يارب من هذا متزاعله وياه من يومين والمشكله ربعي هنا ماعطيتهم هالرقم معطتهم رقمي هنا حق روما اصلآ ماحد يرسل لي مسجات بالعربي الا سارونه وهي ماتعرف رقمي هذا (عندها جوالين خط ايطالي وخط بريطاني وكلهامدوله)... اوففف مافيه الا أنت يا مازن احسه انت!! فكرت ترسل بس وش ارسل اقول من انت ماراح يقول حافظه هالحركات شسوي اجل..و ارسلت ماصدق يوم سمع النغمه فتحها بسرعه /
"من المرسل!!"
أخير ٤رسايل عشان تقولين من المرسل بس واجد عليك ..ياعنووده ارسل/

(خلنا مني وطمني عليك ...
ماأنام الليل من خوفي عليك ...
انت طيب هذا هو اللي يهم ...
انت طيب وغير هذا مايهم ...)