ثلاث سنين شقى عمري .. قصه سعوديه روعه / كاملة

**لذه عشق** · 07-03-2009 12:46 AM

البارت الخامـــــــــــــــــــــس . . .

في مدرسة مشعل
مشعل كان قالب المدرسه فوق تحت بهباله ومصرقع بالمدرسين
في بوم الاربعاء في حصة التاريخ كان استاذهم مخفه وماعنده ماعند جدتي
مشعل وأصدقاءه جايبين قهووه وفالينها عالاخر ولأنهم كانوا اخر الفصل فماكان المدرس ينتبه لهم
احمد(صديق مشعل): اقول شباب الاستاذ مايذكركم بشي

فيصل: انا بصراحه اذ شفته اتذكر شغالتنا

مشعل وقتها كان يشرب قهوه ويوم سمع فيصل ضحك وشرق بالقهوه

مشعل: كح كح

احمد يضرب مشعل مع ظهره: بسم الله عليك

مشعل: هههههههههههه الله يرجك يافيصلووه

الاستاذ انتبه لهم: مشـــــــــــــــــــــــــعل

مشعل: نعم استاذ

الاستاذ: وش ذا القهوه اللي معك وصلت بك الوقاحه انك تشرب
قهوه في حصتي

مشعل مسوي نفسه برئ: أي قهوه اللي تتكلم عنها

فيصل: استاذ شكلك مشتهي قهوه

احمد: ايه يااستاذ احنا مانشوف شي
الاستاذ: وانا مااشوف يعني واللي تحت الطاوله وشووو يالله يالله قدامي أشوف

مشعل وقف: على وين

الاستاذ بصراخ: قدامي انت وياه يالله

مشعل: طيب بس من دون صرااخ شوي شوي على عمرك

احمد: استاذ وش المطلوب الحين

الاستاذ: بتمشون قدامي والا انادي المدير

مشعل: خلاص يالله بنطلع
طلعوا وراحوا للمدير

المدير: وبعدين معاكم انتم

فيصل : استاذ ماسوينا شي

احمد: يعني حرام نشرب قهوه

المدير: احمد انا ماقلت لاتشربون اشربوا بإيدينكم ورجلينكم بس كل شي في وقته حلو

مشعل: بس هو اللي.......

قاطعه المدير: خلني اكمل كلامي يامشعل

مشعل: اسف تفضل كمل

المدير: يعني الاستاذ جالس يشرح لكم ومتعب نفسه وانتم ماهمكم تشربون قهوه والله قلة ادب ياشباب مايصير

مشعل: شرح الاستاذ ماينفهم ويخلي الواحد يمل ويطفش

فيصل: وحتى اسلوبه زفت يخليك غصب تعانده

المدير: مهما كان يضل استاذكم ولازم تحترمونه وتقدرونه وتطيعون كلامه

مشعل: على العين والراس ماقلنا شي بس مو كل ماطق عود بعود يقول لنا روحوا اكتبوا تعهد

المدير: تستااااااااهلون

مشعل: حرام عليك\

المدير : شوفو عاد من تكلم انت يامشعل بالذات مافي مدرس مايشتكي منك

فيصل + احمد: ههههههههههههه

مشعل: اصلا كل المدرسين اول مايدخلون حتى قبل مايسلمون يقولون لي مشعل تعال قدام ويغيرون مكاني بأي حق يغيرونه

المدير: انتم ماينفع فيكم الاكذا يالله عطني رقم ابوك خل اتفاههم معه

مشعل يهز راسه: ماأعرفه

المدير: هذا كبرك ولاتعرف رقم ابوك

مشعل: شسوي مشوار اني احفظه

المدير: طيب رقم البيت

مشعل: بيتنا

المدير: لابيتي انا ... ايه بيتكم

طبعا مشعل ماعطاه رقم بيتهم عطاه رقم البقاله

والعيال ميتين ضحك على مشعل وهو يقول للمدير الرقم

******************************

محمد: هلا حبيب البي

ماجد: هلاوالله وغلا

محمد: وينك تراني طفشت وانا استناك

ماجد: وش تقول عني اجل لي ساعه عند الباب

محمد: وووووووالله

ماجد : محمد يالله والا ترا بأمشي

محمد: خلاص خلاص يالله بطلع

طلع محمد ومعاه مشعل وركبوا مع ماجد

محمد: هلا بالزعلااانين شفيك؟

ماجد: ياشيخ ماصارت راح علينا الوقت

محمد: اسفيييييين يالغالي والله اسفين بس لاتزعل علينا عاد

ماجد: واحنا نقدر نزعل عالحلوين

مشعل: هيييه هييييه تراني موجود عطوني من ذا المدح نصيب

ماجد: اذا جاااااء فارس خله يمدح فيك انا مالي نصيب الا في
حمووودي حبيبي

مشعل: خااااب نصيبك والله

محمد: اقول مشعلوه احمد ربك انك جاي معانا

مشعل: والله انكم ماتنفعون مافي زي فارس

ماجد: رح عند فارس وش جابك معانا

مشعل: ياليت اقدر اروح بس هو وين وانا وين

محمد: وش وين وانا وين تراه في الشرقيه كلها اربع ساعاات

ماجد: تبينا نوديك الحين ترا ماعندنا مانع وانا اخلي الطريق لك
ساااعه..... شراااايك

مشعل: تبون الفكه مني يعني

ماجد: والله اكيد ودنا

مشعل عصب: وعيني عينك انت وجهك

ماجد+محمد: ههههههههههههه

************************************

يوم السبت( اول ايام الاختبارات المدارس)

في بيت لطيفه الساعه6الصبح

لطيفه: يله ياابوي تأخرت على الكليه

عبدالعزيز: فارس مو رايح معي

لطيفه: لاياعمري فارس من الساعه خمس رايح لصديقه

عبدالعزيز: وليش راح

لطيفه: يقول بذاكر عنده ومن هناك نروح للمدرسه

عبدالعزيز: الله يعينه انشالله

لطيفه: خايف من اسئلة الوزاره

عبدالعزيز: اسئلة الوزارة شيبت بالناس

رن جوال عبدالعزيز وكان المتصل نواف.........
عبدالعزيز: مرحبا

نواف: مرحبتين....صباح الخير

عبدالعزيز: صباح النور

نواف: اخبار الغالي مع اجواء الامتحانات

عبدالعزيز: والله حالنا حال الناس

نواف:الله يعدي هالايام عللى خير

عبدالعزيز:اااامين

نواف: خلاص هذي اخر سنه لك انشالله واخر يوم اليوم من قدناااا

عبدالعزيز: بسم الله علي خمسه وخميسه

نواف: ماقلنا شي ماشالله

عبدالعزيز: هههههههههههههه

نواف: مااظن قلت نكته

عبدالعزيز: تصدق فرحت يوم قلت هذي اخر سنه لي

نواف: الحمدلله ماتعرف ان هذي اخر سنه

عبدالعزيز: الا عشان كذا فرحان

نواف:دووووم هالفرحه

عبدالعزيز: تسلم لي والله

نواف: اوكي اجل مااعطلك ..........تامر شي..... ماشيات

عبدالعزيز: سلامة قلبك.......بس لاتنسانا من دعائك

نواف: ابشر...ندعيلك بس ادعلي بالتوفيق

عبدالعزيز: خلاص كل واحد يدعي للثاني

نواف: هههههه ماتلاحظ كننا مبزره

عبدالعزيز: هههههه انا لو قعدت معك بيفوتني علي الاختبار

نواف: اوكي نشوفك على خير

عبدالعزيز: مع السلامه

************************************

**لذه عشق** · 07-03-2009 12:46 AM

في كلية التقنيه...............

طلع ماجد من الاختبار وهو فرحااااااان ولقى الشباب مجتمعين...........
ماجد: هلااااا شباب

بندر: ها بشر كيف الاختبار

مشاري: اللي يشوف هالفرحه يقول مجاوب صح

ماجد: ماعرفت اقرا الاسئله عشان احلها

مشاري: افااااااااااااا

عبدالله: طيب المفروض يضيق صدرك مو تفرح ولاهامك شي

ماجد: والله ابضحك لين مااشبع اخر شي افكر فيه الدراسه
والاختبارت

بندر: ولو مجود هذا مستقبلك

ماجد: بلا مستقبل بلا خراط

عبدالله: صدق بااااااااايعها

ماجد: والله ماله داعي اتعب عمري عشان اسئله

مشاري: هذا محمد جا

محمد: سلاااااااااام

ماجد: بشر ياحلو

محمد بحزن: ماحليت

عبدالله: لايكون ماذاكرت زي مجود

محمد: لا والله مذاكر بس ذا الاسئله ماادري من وين جايه

ماجد: اقول لاتضيق صدرك عشان اختبار

محمد: ماجد بس ماحليت

ماجد: طيب

محمد: وشلون طيب اقول لك ماحليت تقول طيب ماجد وش
هالتبلد
عندكـ( طبعا محمد كان شاطر بالحيل وذكي عكس ماجد اللي ماهمه احد وماخذ الدنيا عرض طول وموسع صدره)

بندر: محمد وسع صدرك الدراسه ماتستاهل هالضيقه

مشاري: اجلس ونفلها قهوه وسوالف

محمد: هذا هدفكم في الحياة سوااالف وضحك

ماجد وهويسحب محمد ويجلسه : وش نسوي الله بلاك بربع كذا تحملهم

محمد: هههههههههه الله يصبرني عليكم

وجلسوا الشباب يسولفون وضحك ووناااااااااااسه

انتهت ايام الاختبارات وانتهى معها التعب والسهر والاجتهاد
واليوم هو يوم استلام النتائج.................

مشعل دخل البيت وهو ينادي ............

مشعل: مااااااااااااااماااااااااااا

حصه: انا هنا يامشعل في المطبخ

مشعل راح وضم امه: باركييلي نجحت

حصه: مبرووووك ياولدي والله رفعت راسي

الهنوف دخلت عليهم: باركووووووووووولي نجحت
وراحت حبة راس امها........

حصه:الف مبروك حبيبتي

مشعل: كم نسبتك هنوووفه

الهنوف: 97%
مشعل: يالكسلانه انا اشطر منك

الهنوف: ليه انت كم مشعل: تبين الصراحه انا نسبتي 100% بس ماودي افشلك واصير احسن منك عشان كذا انا نسبتي89 %

الهنوف: هههههههههههه والله حلوه عليك 89 %انا ماعمري شفتك تذاكر

حصه: اهم شي نجحت يامشعل

مشعل: لايمه اهم شي الاخلااااااااق

حصه: هههههههه الله يصلحكم انشالله

***********************************

في بيت سعود...............
سعود: اقول مجود ورا ماتقوم الحين وتطلع نتيجتك

ماجد: قلت لمحمد يطلعها لي من النت

سعود: وانت ليش ماتطلعها ماعندك نت

ماجد: الا عندي بس مالي خلق

غاده: الاقول خاايف

ماجد: اخاف من ايش

غاده: تخاف ترسب

ماجد: فال الله ولا فالك

وقتها رن جوال ماجد............

ماجد: ياويلي هذا محمد والله خايف

سعود: خايف من ايش

ماجد ارتبك : ها ها ولا شي

ماجد: هلا محمد

محمد: ماجد

ماجد: محمد وش فيك

محمد : ماجد بأجي عندك مااقدر اخبرك بالجوال

ماجد: اوكي انا احتريك

محمد: باي

ماجد سكر من محمد وهو خايف صوت محمد ماعجبه...

رن الجرس............
راح ماجد فتح لمحمد الباب وهو مايبي يحط عينه في عين محمد

محمد: بنصير كذا واقفين

ماجد: لا ادخل حياك
دخلوا الملحق............

ماجد: محمد تكفى ريح قلبي وقول

محمد: حرام عليك بتفشل عمي بهالنتيجه

ماجد:هااه

محمد: ماجد انت

ماجد: انا وشو تكلم وريحني

محمد: وين اللي يقول انا مااهتم بالدراسه اشوفك الحين مهتم

ماجد عصب: محمد صدق انك رايق بتقول ولا وشلوون

محمد: انت راااااااسب

ماجد راح لمحمد ومسكه مع كتوفه : لا محمد لا تكفى قول غير هالكلام

محمد: ماعندي غيره

ماجد يناظر محمد نظره محتاره: محمد وش اقول لابوي والله بيعصب علي

محمد:..........

ماجد: انا السبب انا ماكنت اذاكر انا كنت مطنش وهذي نهاية التطنيش

محمد: اقول ماجد

ماجد: نعم

محمد: وش شعورك لو انك ناجح

ماجد: محمد ليش تبي تضيق صدري حرام عليك لاتذكرني بالنجاح والله مااستاهل

محمد: الا تستاهل

ماجد جلس يناظر محمد باستغراب وش قصده من كلمته الاخيره

محمد: ماجد الحلو نجح

ماجد: نجح!!

محمد وهو يبتسم: ايه

ماجد: انت بتخليني انجن مره تقول راسب ومره ناجح محمد دخيلك قول الحقيقة وريحني

محمد: حبيبي والله انك ناجح بس حبيت اسوي فيك مقلب حلو

ماجد يوم سمع الخبر سجد لربه وصلى صلاة شكر واول ماخلص راح وضم محمد بالقووووه

محمد: أي أي كسرت عظامي

ماجد: والله احبــــــك

محمد: ايه توك تحبني يوم صرت ناجح

دخل ابو سعود: اللاااه داخلين جو ومو حاسين فيني

ماجد: اعذرنا يبه

سعود: بشر بس كيف النتيجه

ماجد: الحمدلله نجحت

سعود: مبروووك ياولدي والله بيضت وجهي

وانت يامحمد كيف نتيجتك

محمد: عال العال

سعود: الله يوفقكم انشالله

محمد+ ماجد: ااااااامين

في هالوقت دخلت غيداء...............
غيداء وهي رايحه لابوها: يبـــــــه نجحت
ولا انتبهت لوجود محمد..........

التفت عليها سعود وضمها: مبروووك يابنتي
بس ليه الدموع

غيداء وهي تصيح: من الفرحه يبه والله فرحانه

ماجد جلس يناظر محمد نظرات يعني افهمها واطلع

محمد انتبه لنظرات ماجد وحس بالفشيله وطلع.........
طلع ماجد وراه.......

محمد: مجود ترا والله مانتبهت لاختك والا كان طلعت من اول

ماجد: لا عادي هي الغلطانه ليه تدخل

محمد: حرام عليك تبي تمنعها من بيتها

ماجد: اصلا هذي غيداء عمرها ماتغيرت تدخل ولا تنتبه

ياكثر ماتدخل على ربع ابوي

محمد: اللي دخلت تو غيداء

ماجد:مسوي لي ماتعرف

محمد: وربي اني مااعرف

ماجد بجد: اوكي مو لازم تعرف

محمد:............

ماجد: وش فيك سكت امزح معك ياشيخ........يله مشينا

محمد: ههههههههه يالله

الكل نجح الارنا بنت فهد....
فارس :99%وانتقل للجامعه
غيداء:97%اانتقلت لثالث ثانوي
ساره:95%انتقلت للجامعه
الهنوف:92%انتقلت للجامعه
مشعل:89%انتقل للجامعه
ريم:85%انتقلت لثاني ثانوي
نوره: انتقلت لاولى ثانوي
غاده:انتقلت لاولى ثانوي

انتهت الدراسه وانتهت الاختبارات ...........واليوم هو اول اسبوع من الاجازه................

يوم الخميس.............

الكل مجتمع في بيت ابو سعود...........

ابوسعود: اقول ياعيالي

سعود: قول يبه

ابوسعود: وش رايكم بمناسبة نجاح العيال نسافر ونخليها مفاجئه

فهد: راينا من رايك يابوسعود بس نسأل العيال قبل

ابوسعود: الحين اقولك مفاجاه وتقوا نشاورهم

سعود: خلاص يبه انت فصل واحنا نلبس

ابوسعود: بس وين ودكم نروح

فهد: انا اقول نروح البحرين

ابوسعود: لا والله جارنا ابو علي يمدح لي ماليزيا

سعود: والله ماليزيا حلوه

فهد يغمز لابوه: يبه اخاف تبي ماليزيا علشان تشوف البنات الشقران

ابوسعود: اقول اسكت لاتسمعنا امك وتسوي لنا سالفه

سعود+فهد: ههههههههههههههه

************************

راح ابو سعود وعياله عند الحريم...........
ابوسعود: وين العيال اجل

ام نواف: طالعين مع بعض يتمشون

ابوسعود: الهنوف اتصلي على نواف قولي له يجي مع العيال

الهنوف: انشالله جدي

دقت الهنوف على العيال وقالت لهم يجون بسرعه

دقايق ووصلوا العيال واجتمع الكل في الصاله............
ابوسعود: اقول عيالي

العيال بصوت واحد: سم جدووو

ابوسعود:عندي لكم مفاجئه

مشعل: لحظه جدي لاتبدا الحين......فاااااااااارس

فارس: نعم

مشعل: عطني طاوله وكرسي ومويه بسرررعه وهو يغمز له

فارس:طيب

جاب فارس كل اللي قال له مشعل

مشعل: جدي ممكن تجلس

الجد استسلم لهم وجلس

مشعل: فارس شغل الكاميرا

فارس مسوي نفسه مصوور
الكل مستغرب منهم..........
مشغل مسك علبة المويه مسوي نفسه مذيع

مشعل: تفضل يابوسعود وابدأ بالاجتماع

ابوسعود: وش قاعد تسوي انت وياه

مشعل: جدو الحين بيطلعونك في قناة mbc

ابوسعود: صدق والله

مشعل: وانا اقدر اكذب على جدوو

ابوسعود: ان الحمد لله نحمده ونستعينه

قاطعه مشعل: لاياجدي ابدا بالموضوع على طول

ابوسعود: انا قررت اوديكم بمناسبة النجاح لماليزيا

العيال قامو يصارخون من الفرحه ويغنون...........

محمد: بتحبو ميـــــــــــــن

العيال: جــــــــــدوو

محمد: صاحب الملايين

العيال: جـــــــــدوو

محمد: والحلو مــــــــــين
العيال: جـــــــــدوو

الجد استانس من وناااااااااسة عياله
وجلسو يسولفون ويضحكون مع بعض

*************************************

والله مو عارف وش اسوي...... احس انها ماراح توافق....

بس انا لازم اكلمها واقول لها واكيد بتوافق مو لهالدرجه امي قلبها قاسي وماتحب لولدها الوناااسه....خلاص لازم ادق

اخذ خالد الجوال ودق على امه............

هيا: هلا

خالد بحنيه: هلا والله بالغاليه

هيا:هلا فيك

خالد: اخبارك يمه واخبار اخواتي

هيا: الكل بخير الحمد لله

خالد بتردد: اقول يمه

هيا: خير

خالد: جدي بيسافر

هيا: وانا وش دخلني

خالد: لا بس حبيت اخبرك اني بروح معهم

هيا: وانا ماسكتك روح بسلامتك

خالد بفرح: يعني موافقه

هيا: ايه موافقه

خالد: مشكووووووووره .......اوكي يالغاليه تامرين على شي

هيا: سلامتك

خالد: الله يسلمك.......مع السلامه

هيا: مع السلامه

نهاااااااية البارت . . . .

توقعاااتكم حبايبي للبارت الجااااااي ؟؟

**لذه عشق** · 07-03-2009 12:47 AM

البــــــــــــــــــــــــــــارت السادس . . . . .

غيداء: غااااااااادووووووه

غاده: خير

غيداء: وين وديتي بنطلوني الفوووشي

غاده: وانا وش يدريني

غيداء: امس كان في الدولاب وين راح يعني

غاده: وانااااااااااااااااا اعلم الغيب

غيداء:اقووووول طلعيه احسن لك

غاده:هي مو انا اصغر عيااالك تصااااارخين علي

ماجد دخل عليهم في الغرفه : هي وين عااايشين في غااابه كل وحده تصااارخ على الثاانيه

غاده:شف اختك تقووول اني ماخذه البنطلووون حقها

غيداء: ايه مافي غيرك في الغرفه مين ياخذه يعني الجني

ماجد: خلاص طيب ولايهمك خذي بنطلوني

غاده: هههههههههههههههاي

ماجد: وانتي وش يضحكك

غاده: مافي امل بنطلونك يدخل في ذاالدوووبا

ماجد:ههههههه ايه صح راحت عن بالي

غيداء: يوووووه ماجد الحين ابيك عون تصير فرعون

ماجد: انا الحين صرت فرعون

غيداء: ولا يهمك انت مااجد بن سعووود بس طلعوو البنطلون

غاده: اسألي امي اكيد تعرف

غيداء: ماراح اسالها انتي بتطلعينه يعني بتطلعينه

غاده وهي طالعه من الغرفه: اتوقع لك رجلين روحي دوريه

غيداء: طيب انا اوريك يالزفته

ماجد: هههههههههههه الله يصبر زوجك عليك

غيداء وهي تدف ماجد: صدق انك رايق اطلع براااااااااا

ماجد: يمه والله انك تخوفين خلاص بطلع

وطلع مجود من الغرفه ...................
.

.................................................. ..................

اليوم الاربعاء يوم السفره

ابو نواف: اقول محمد ورا ماتقوم انت واختك تجهزون اغراضكم بدال هاللعب اللي ماله داعي

الهنوف: لا يبه ماراح اقوم الا اذا سجلت هدف

محمد: هههههههههاي مسكينه تبين تسجلين هدف على ابو حميد مافي امل

الهنوف: بسجل يعني بسجل

ابو نواف: والله وانقلبتي ولد ياهنيف

ام نواف: جالسه مع ثلاث اولاد ماتبيها تنقلب ولد

الهنوف: حرااااام عليكم قلبتوني ولد خلاص ماراح العب

وقامت......

محمد: لاااااا انتي وين رايحه وانا من يلعب معي

ابونواف: عطني اوريك كيف اللعب الصح

مشعل: ياهووووووووووووه ابوي بيلعب والله فله

ام نواف: اقول ابونواف لايضيعون وقتك ذا العيال

ابونواف: وانا ماعندي شغل يوسعون صدري قبل مايسافرون

مشعل: اقول بابي ورا ماتسافر معنا

ابونواف: والله ذا الشركه ماخلت لي فرصه ارتاح

مشعل وهو يطق صدره: ولايهمك اذا كبرت ابشتغل معك في الشركه

ابونواف: كفو والله ولدي مو زي نواف اللي مو راضي يشتغل

محمد: اقوول بتلعبون معي والا قفلنا

ابونواف: لا خلاص بلعب بس وشلون علموني كيف

الكل: هههههههههههههه

اجتمع الكل في بيت ابو سعود...........

ابوسعود: خلاص ياعيالي كل شي جاهز

سعود: ايه يابوي كل شي تمااام

فهد: طيب يابوي من بيودينا للمطار

ابوسعود: بعضنا يروح مع راجا وبعضنا مع كومار

سعود: يبه مااتوقع يكفينا جمس وجيب يبيلنا سياره ثالثه

فهد: وش دعوه ياسعود ترا مو لهاالدرجه كثيرين

ابوسعود: خلاص توكلنا بس اذا ماكفتنا ناخذ سواقك يافهد

فهد: على خير انشالله

في مطار الملك خالد الدولي.........

ابوسعود: مابي ابي اروح
سعود: يبه الله يهديك هناك كله حريم

ابو سعود: وش علي من الحريم ابي اشوف ام سعود

خالد: والله ياجدي صرت تشتاااااااق

العيال: هههههههههه

سعود: خلاص عاد كافي ضحك.....وبعدين بيه كله حريم مايصير تدخل

ابوسعود: مو شغلي انا داخل يعني داخل

فهد: يبه وش فيك اليوم بسم الله عليك

المهم جلسو العيال يحاولون ويقتعون في ابو سعود لين ماوافق

في الطياااره..................

كان نواف جالس جنب عبدالعزيز
ووراهم غيداء والهنوف ووراهم مشعل وفارس
وفي الوسط الوليد وماجد وخالد ومحمد ووراهم غاده ونوره وميري وسيرياتي
ووراهم ساره ومها وريم ورنا

غاااده: اوووووووف سيرياتي خيستيني بريحتك

سيرياتي: ايش قول ريحه انا تو سوي سباحه

غاده: ايه واضح لك سنتين ماتروشتي

خالد: بس انتي وياها فضحتونا

غاده: اتوقع اني اكلم سيرياتي

خالد: طيب كلميها بهدوء مو صراااخ

غاده: لو سمحت ممكن تكرمنا بسكوتك

خالد: ماراح اسكت عندك مانع

غاده: لا عندي دوااااس ههههههههههاي

خالد: ههههههههه والله وصرتي تعرفين تنكتين

غاده باستهزاء: ليه ياحبيبي ناقصه يد

خالد: لا ناقصه رجل هههههههههههه

غاده: صدق ثقيييييييل دم

الوليد: خلاص خالد خل عنك البزر

غاده: هي هي انا بزر احترم نفسك

الوليد: مابقى الا انتي يعلمني الاحترااام

خالد: الحين تبي تسكتني وشبيت حرب من جديد

غاده حمدت ربها ان خالد تدخل لانها صدق كانت تبي تصيح

وصلو لماليزيا وراحوا لفندق كراون بلازا في العاصمه
(كوالالمبور) وخذو جناح للبنات وجناح للشباب
وسعود وحرمته في جناح وفهد وحرمته في جناح
وابوسعود وبناته في جناح

.......................
الكل نام عقب الرحله الطويله .................

الصباح .................

البنات طلعو وراحو لغرفة الجد

ساره: بناااااااااااااات لحظه لحظه

مها: وش تبين

ساره: تشوفون اللي انا اشوفه

الهنوف: انا مااشوف الا ناس رايحه وناس جايه

ساره: شوفو جناح العيال بابه مفتوح

مها: وش علينا منهم

غيداء: غريبه فاتحينه اكيد هم داخل

ساره: لا الوليد تو داق علي يقول تعالو حنا في جناح ابوي

الهنوف: وش رايكم ندخل

غيداء: لا ساره تدخل لان هي الوحيده محرم لهم

ساره: اوكي ابدخل انا اشوف فيه احد والا لا

رنا: يله روحي وعطينا خبر

دخلت ساره وبعد فتره طلعت وتأشر للبنات وتقول بهمس

المكااااااان ااامن

دخلو البنات الجناح..................

نوره صرخت صرخه قويه سمعها الكل

مها: خييير وش فيك

نوره: شوفو اللي نايم على السرير

غيداء شهقت: ياويلي بنات خلونا نطلع

ساره: لا ماراح اطلع لازم نعرف مين

راحت ساره بتشوف مين اللي نايم
الهنوف: ساره تكفين عن اللقافه ونطلع احسن لنا

ساره: اووووش

ساره وهي ترفع البطانيه بشويش

ساره بصوت عالي: هههههههههههههههههههههههههههههههه

غاده: من صاااااااااار

ساره وهي ترفع البطانيه: شوفو مين صار يالخوافات

البنات: هههههههههههههههه

انتهــــــــــى البارت...

ميييييين تتوقعووون اللي كاااااااان نايم بالسرير

ادري البارت مررره قصير بس ان شاءالله اوعدكم بكره راح انزل بارت جديد

تحياتي... الغيــــــــــــــد

**لذه عشق** · 07-03-2009 12:47 AM

البــــــــــــــــــــارت السابع . . . .

ريم: ههههههه والله انك مصرقعه يانوير

نوره: وانا شدراني كلكم صرختو وخفتو معي لا تنكرين يالدوووبا

ساره: كلكم خوافات مافي الا انا الشجاعه

غيداء: والله الوساده طالعه كنها واحد نايم

رنا: خلونا من الوساده تعالو نسوي مهمتنا

البنات: يالله

المهم انتهو البنات من مهمتهم وطلعو من الجناح ولا كان شي صار............

***************************

العيال توهم راجعين من عند جدهم .............

خالد: يالله شبااااب كل واحد ياخذ شور وننزل نتمشى

مشعل: يالله انا اول واحد بيدخل قبل الزحمه

الوليد: انا بروح عند جناح البابا احسن لي من هالحشره

ماجد: ايه رح الله يعافيك تخفف علينا شوي

الوليد: عناد لك ماراح اروح

خالد: اقول عن الهواش وقومو شوفو شغلكم

راح خالد لشنطته عشان ياخذ له ملابس

خالد فاتح عيونه وهو يصارخ: لاااااااااااااا

ماجد: بسم الله عليك وش فيك خلووووود

خالد: من اللي سوى كذا في شنطتي

الوليد: ههههههههاي الولد استخف وش فيها شنطتك

خالد: مين منكم مسوي كذااااا

محمد: وش السالفه

خالد: مين اللي قالب شنطتي فوق تحت

فارس: واحنا وش درانا

الوليد قام بسرعه لشنطته: وانا بعد شنطتي حوووسه

عبدالعزيز ونواف توهم داخلين

عبدالعزيز: وش عندكم تصارخون

الوليد: لايكون انتم؟؟؟

نواف: وش انتم انت وخشتك

مشعل يسوي نفسه يصيح: هئ هئ شناطنا محيوسه

عبدالعزيز: افاا ومن اللي حايسها

محمد: وش رايكم ندق ع الرسبشن ونسأله

دقوا ع الرسبشن ودقايق جاهم المسؤول عن النظافه..........

مشعل: انت صديق من امس داخل جناح انا

العامل مافهم عليه

مشعل يأشر بايده: انا جناح مين يدخل هنا

فارس: ههههههههههه المسكين مافهم

عبدالعزيز: والله هبلتوا بالرجال خلوني اطلع اللغه صح

في هالوقت مروا البنات من عند الجناح وهم يضحكون

ماجد: خير وليه الضحك

ساره: لا سلامتك مافي شي

الوليد: اقووول سوير اكيد انتي اللي ورا هالسالفه

ساره : لااااا حرام عليك شدعووااا وانحاااشت هي والبنات وهم يضحكووون

مشعل: والله اني حاس ان البنات هم اللي مسوين كذا

الوليد: والله ماتوقعت بنات اخواني واخواتي يسوون كذا

نواف: لاتستغرب يالحبيب معهم سوير راس الحيه

خالد: والحل؟؟؟ لازم نوقفهم عند حدهم

مشعل يصارخ: لااااااااااااا والف لاااااااااااااااا

محمد لمس جبهة اخووه: أخووي حبيبي وش فيك ارتفعت الحراااره عندك

مشعل ونط من مكانه: لقييت فكره

فارس: قوووول

مشعل: وش رايكم نسوي انفسنا اننا ماإهتمينا

ماجد: صح وبينجنون

مشعل: ايوه وبعد كم يوم يجي واحد مننا ويطق الباب عليهم الليل ويقول لهم اننا بنروح
السعوديه بكره وبعدين هم اكيد بيتجهزووون صح

فارس: ياذكي اكيد هم بيسألون جدي

مشعل: لا بيصير جدي نايم يعني نروح لهم الساعه 12 ونقول الرحله الساعه 6 الصبح

محمد: صح كمل

مشعل: ومن بكره نروح لهم ونقول مافي رحله ولا شي

عبدالعزيز: ههههههههههههه عليك خطط جهنميه ولا يهمك لو تبي انا اروح لهم مواااااااااااافق
العيال رتبو اغراضهم ونزلو تحت

في اللوبي كانو البنات جالسين على طاوله يسولفون............
وجو العيااال بجمبهم في الطاوله................

نوااف: صباااااااح الخير

ساره : صباااح النوور

عبدالعزيز: هلااا وغلااا بخااالتي الصغيروونه

ساره: منيب صغيررونه انا اللحين في الجامعه

عبدالعزيز: احلــــــــــــــــى في الجامعه والله وكبرتي ياسارونــــه

ساره: ههههههه ايه مين قدي

غاده: اقوول شبااااااااااب

خالد: قولي

غاده: ايش رايكم في المقلب صح جنان

خالد: لااااااا بالعكس
كذا خالد كسب نقطه وقهر غاده

مها: والله اصلا باين انكم معصبين

فارس: بالعكس لا عصبنا ولاشي احنا مبسوطين من المقلب الحلو لانكم وفرتوا علينا

رنا: كيف وفرنا عليكم

ماجد: يعني احنا ناوين نخربط الملابس تكون البناطيل مع بعض والتيشيرتات مع بعض وزي

كذا بس انتو اختصرتوا وقت علينا

نواف: والله مشكوووورين ماادري شلون اعبر عن فرحتي ودي احب راس كل وحده منكم

سعود: ماشالله واحنا ندور وين راحوا العيال صرتو هنا

ماجد: بغيت شي يبه

سعود: لا سلامتك بس جيت اقول لكم كان تبون تروحون معي

نواف: وين بتروح ياخالي

سعود: بروح اتمشى في السوق شوي وبارجع

ماجد: خلاص يبه نبي نروح معك

سعود: يالله اجل احتريكم في السياره لاتتاخرون

وراح سعود..........

ماجد: يالله شباب نبدل ثيابنا ونروح مع ابوي

الشباب: يله مشينا

جناح ابوسعود..............

رن الجرس........

حصه: ميييين

البنات: احنا البنوتات

فتحت حصه الباب: هلا بالبنوتات

دخلوا البنات داخل........
ابوسعود: وش فيكم يابناتي مليتوا

مها: لا ياجدي اشتقنالك

ابوسعود: تشتاقلك العافيه يابنيتي

ساره: اقول بابا

ابوسعود: لبيه ياروح ابوها

ساره: بابا ليه مانطلع الحين

ابوسعود: وين تبون تطلعون

ساره: أي مكان اهم شي تغير جو

ام سعود: وانتي ياسوير ماتشبعين من الطلعات

ساره: يمه حرام عليك ليش العيال يطلعون واحنا لا

ابوسعود: العيال وين راحو

ساره: جا تو سعود وخذهم يتمشون

ابو سعود: طيب انزلو تمشو تحت

ساره: ملينا من تحت

ابو سعود: والله يابنيتي ودي اطلعكم بس اليوم تعبان خلوها بكره احسن واوديكم اللي تبونه
والحين خلونا نطلب عشا ونتعشى والله جوعان

لطيفه: ولايهمك يابوسعود الحين نطلبلك من احلى مطعم

ابو سعود: الله يخليكم لي انشالله

الكل: ااااااااامين

في السووووووق..................

سعود: عيال ترا والله اذا ماعقلتو لارجعكم

نواف: انت يامجود كانك اول مررره تشوف بنات

ماجد: لا بس هذي قاهرتني سعوديه ولاتغطت ودي اروح واهاوشها

سعود: وانت وش عليك من الناس

عبدالعزيز وهو يغمز لماجد: بتروح لها عشان تهاوشها والا .........

ماجد: هههههههه والله مافهمني الا انت ياعزوز

سعود: خلاص شباب انا بروح ادخل هالمحل ولا تتحركون من مكانكم....اوكي

الشباب: اوكي

راح سعود ودخل المحل.........

ماجد: ياسلاااااام ابوي راح يالله شباب

خالد: على وين

ماجد: انا لازم اروح لذيك البنت والله مااخليها

محمد: يالله انا بروح معك

نواف: اقووووول يالمراهقين ورا ماتعقلون

ماجد: دقايق بروح انا ومحمد ونرجع

الوليد: يالله روحوا واحنا بنراقبكم من بعيد

عبدالعزيز: اقول بس انثبر انت وياه

ماجد ومحمد ماسمعوا لكلام عبدالعزيز وراحوا............

عبدالعزيز: صدق مايستحون اقولهم لاتروحون ويكسرون كلمتي

خالد: خلوهم نشوف وش نهايتها معهم

مشعل: والله فاتت علي ياليتني رايح

فارس: والله شكل البنت بترفسهم

ماجد: مساء الخير ياحلو

البنت بنعومه: مساء النور

ماجد: اذوووب انا عند هالصوت

البنت: لو سمحت بغيت شي

ماجد: ايه

البنت: وشو؟؟....

ماجد: ابيك انتي

البنت: صدق عيال مايستحون

محمد: نستحي بس لخاطرك نصير مانستحي

البنت: انتو وش تبون بالضبط

ماجد: زي ماقلتلك وربي عيونك ذبااااحه

البنت: ماطلبت رايك

ماجد: مقبووووله منك ياقمر

البنت: يوووه انتو الوقت معكم ضايع

محمد: لحظه قبل ماتروحين

البنت: وش بغيت بعد

ماجد: الرقم خذيه وماراح تندمين

البنت: لا مشكور مابي رقمك ولا رقمه

محمد: قلنالك ماراح تندمين

البنت: ماتفهم انت قلت مابي

ماجد وهو يرمي الرقم في كيس البنت: عشان خاطري خذيه

سعود: مجوووووووووود

ماجد من يوم سمع صوت ابوه اختبص ومايدري وش يسوي

سعود: وش قاعد تسوي انت وياه هنا

ماجد مرتبك: هـ هــ ـــاه هاه ولا شي

البنت: الله يعافيك اخوي تراهم ماخلوني في حالي يتحرشون فيني

سعود عصب من ولده وماحب يطولها وهي قصيره
ومسك محمد وماجد من اطراف ثيابهم ووداهم معه للسياره............
والعيال ميتين ضحك على اشكالهم..........

**لذه عشق** · 07-03-2009 12:48 AM

في السياره................

سعود بعصبيه: وانت لين متى وانا اربي فيك... مايفيد فيك الهوااش مايفيد فيك الضرب شتبي اسوويلك

ماجد: يبه ليش على طول صدقت البنت ولا عطيتني فرصه اتكلم

سعود: وانت عندك شي تقوله اصلا وش بتقول يعني بتقول انا رحت لها وتحرشت فيها

ماجد: يبه حرام عليك لا تحرشنا فيها ولا شي

سعود: اجل وش قاعد تسوي انت وياه عندها

محمد: خالي هي اللي جت وسألتنا عن مكان المطاعم

سعود: يعني هي تكذب

ماجد: ايه تكذب ليه مصدقها ومكذبنا

محمد: السالفه ماتستاهل ياخالي بس انت الله يهديك بسرعه عصبت

سعود: وشلون ماتبيني اعصب وانا اشوف ولدي وولد اختي جالسين مع وحده ماتعرفهم ولا
يعرفونها

ماجد: مو احنا اللي رحنا لها هي اللي جت وسألتنا واحنا جاوبناها

سعود: خلاص عاد ماصار الا الخير

ماجد: ايه يبه عشان ماتشك في ولدك مره ثانيه بدون ماتدري وش السالفه

سعود: خلاص قلنا ماصار الا الخير تبيني اتأسف لك بعد

ماجد: ههههه لا يبه بس عشان ماتشك في تربيتك الا اذا تأكدت من الشي اللي صار

سعود: انشالله بس خلاص قفلوا عالموضوع وكان ماصار شي

مشعل: والله ياخالي انك طيب لو انا ولدي مسوي كذا كان كفخته وهاوشته وعاقبته بعد

ماجد: اقول ورا ماتنطم وانا وش مسوي

سعود: الحمدلله اني منب ولدك

العيال: هههههههههههههههه

عبدالعزيز: اقول ماتلاحظون نسينا شي

الوليد: وش اللي نسيناه

عبدالعزيز: ماتعشينا

خالد: وانت ماهمك الا بطنك

عبدالعزيز: ايه اجل تبيني انام وانا ماأكلت شي مستحيييييل

سعود: اكيد ابوي طالب عشا لنا نتعشى في الفندق

عقب ماتعشو العيال راحو لجنا حهم عشان ينامون..........

نواف: ماشالله عليك يامجود عرفت تكذب على خالي

ماجد: والله مع الخوف طلع هالكلام

فارس: ههههههههه اقول وش صار مع البنت

ماجد: الله يقطع بليسها تقول احنا نتحرش فيها

عبدالعزيز: تستاااهلون عشانكم كسرتو كلمتي

محمد: عليهااااا صوت يجنن

خالد: والله وتغيرت يامحمد تأثرت من مجووود

ماجد: لا والله عيونها تذبح الواحد

(العيال ضحكو على ماجد لانه مانتبه للكلام اللي قاله خالد عقله كان مع البنت)

فارس: خلصونا هي وش قالت

جلس ماجد يسولف لهم عن اللي صار مع البنت...........

الصبح في جناح الجد............

ابوسعود: اقول فهد العيال وينهم

فهد: الظاهر انهم مابعد قاموا

ابوسعود: دق على واحد منهم وخلهم يجون

فهد: دق على ولدك ياسعود

سعود دق على ماجد..........

ماجد: هلاا وغلاا بااحلى ابو في الدنيا

سعود: هلا مجود....تعال انت والعيال جدكم يبيكم

ماجد: خمس دقايق واحنا عندك....مع السلامه

سعود: مع السلااامه

ودق على غيداء..........

وقال لها تجي عند جدها
راحوا البنات لغرفة جدهم
وخمس دقايق ورن الجرس
ابوسعود:غادوه افتحي الباب

غاده: جدي والله انا تعبانه قول لسوير

ابوسعود: غادوه انا قلت انتي قومي افتحيه يله

غاده قامت وهي تتافف: انشالله

البنات: ههههههههههه
غاده فتحت الباب ودخلوا العيال................

+++++++++++++++++++++++++++++++++++
ابو سعود: اقول ياعيالي وين ودكم نروح اليوم

ساره: بابا نبي نروح صن واي لاجون

الوليد: راس الحيه لوسمحتي اسكتي ابوي قال عيال مو بنات

ساره: بابا شوف الوليد؟؟؟؟؟؟؟؟؟؟

ابو سعود ضرب الوليد بالعصى : عاد كلش ولا ساارونه اخر العنقود ياويلك ان سويتلها شئ وبعدين ساارونه وين تبين ترووحين

الوليد:لاااااااااااااا وعلى كيفها تمشينا

سااره تطلع لسانها : انقهر
ام سعود: اقووول يابو سعود ترى حتى الوليد ولدك مفرووض تعدل بينهم

الوليد قام يرقص: عاااااشت ماااامي

ابو سعود: شوووف مين يتكلم دلوووع ماما انا ماعندي إلا ساارونه حبيبة قلب ابووها وبوديها لاي مكان تبيه

ام سعود:وانا بودي الوليد أي مكاان يبيه وماني رايحه معكم

سعووود: يمه يبه وش انتم بزران بعدين خلوهم يطلعوون مع بعض واحنا لحالنا

خالد: اقوول عمي الله يخليك لا تنشب فينا هالعلل

غاده: احلف بس احنا مانبيكم اصلا ومانطيق وجيهكم بعد

نواف: كل واحد يتكلم عن نفسه

غاده وخاالد تبااادلو نظرات وعلى وجيهم استفهااام كبير

خالد: وشلووون كل واحد يتكلم عن نفسه ؟؟؟؟؟؟؟؟؟؟؟

نواف: يعني انا وكل الشباب عادي نرووح مع البنات

ساره : وانا وكل البنات عادي نروح مع الشباااب

غاااده: لااااااااااا مابي

مها : وليه عمتي ماتبين

غاده بتردد: اذا كان خالد بيروح انا ماراح اروووح

خــــــــــــــالد ناظرها نظراته المعروفه
غاده استحت على وجهها وسكتت

الجد: عن الدلع ويله تجهزو

*********************
راحــــــــــــــو الكل لصن واي لاجون.............

الوليد: تصدقون اخاف العاملين اللي في الالعاب ينحاشون

عبدالعزيز: وش دعوه ينحاشون

الوليد: ماشالله علينا جيش 8 اولاد و8 بنات

ساره: ههههههههه صادق شكلنا يخرع لازم ننقسم

نواف: لا خلونا كذا احسن عشان اذا شافنا حق اللعبه يركبنا ببلاااااش

الوليد: ههههههههههه صادق

المهم راحوا العيال لقطار الموت

الهنوف: لاااااااا

مشعل:توأم روحي وش فيك

الهنوف: تبون اركب هذي مافي امل

نواف: وليه ماتبين

الهنوف: صاحي انا لو بركب امووووت

محمد: هههههههه ليه خايفه حبيبتي تبين نروح العاب اطفال ياشاطره

الهنوف: عن الطنازه بس انا مااحب اركب العاب زي كذا

نواف: واذا قلت انك بتركبين غصب

الهنوف: لا نواف الله يخليك احب ايدينك بس مااركب

نواف: لا خلاص لاتركبين كسرتي خاطري

محمد: خلاص خلو الخوافه عنكم وتعالو نركب

ركبوا العيال بس ماكفاهم القطار لان كان فيه ناس معهم
فارس: اوووووف يعني لازم واحد ينزل

الوليد: انا عن نفسي ماراح انزل

ماجد: حتى أنا بعد

عبدالعزيز: خلاص انا بنزل

نزل عبدالعزيز وجلس على الكرسي اللي جالسه عليه الهنوف
الهنوف في هالوقت كانت خايفه ومرتبكه عكس عبدالعزيز اللي كان طاير من الفرحه ومستاانس

عبدالعزيز: الهنوف

الهنوف: هلا

عبدالعزيز: ماتبين ايس كريم

الهنوف في نفسها صاحي ذاالمهبول بياكلنا ايس كريم في ذا البرد

الهنوف: لا مشكووور

عبدالعزيز: ترا والله ايسكريم ماليزيا شي ثاني

الهنوف: ايه بس برد الحين كيف ناوي تاكل

عبدالعزيز: اها صح والله راحت عن بالي

الهنوف بصوت واطي: هههههههههههه
عبدالعزيز سمع ضحكة الهنوف وحس بالفشيله...............
نزلوا العيال من اللعبه............

مشعل: ااه ياراسي ااه

فارس: ااه يارجلي ااه

عبدالعزيز: شكلكم رحتوا فيها

نواف: احمد ربك يارجال انك ماركبت

مشعل: انا وخشتي احسب القطار نفس حق الرياض

غاده: ياليتني ماركبت معكم

عبدالعزيز: والله انكم نكته ههههههههههههه

نواف: ايه اضحك انت وخشتك ماجربت اللعب
لعبوا العيال لين ماملوا وبعدين ارجعوا للفندق

طبعا البنات ناموا الا مها الي ماجاها نووم
بس تفكر في عبدالعزيز وحركته انه ماركب معهم
اكيد هو يحب الهنوف عشان كذا جلس معها
وطول الليل وهي تفكر الين ماداخت وناااااااااااااامت

مر اسبوعين على اقامتهم في ماليزيا.................

ساره: بنااااااات وش رايكم نروح السوق اللي تحت

ريم: ايه انا ودي اشتري ملابس يمدحون ملابسهم

غيداء: غدووو روحي جيبي من ابوي فلوس

غاده: منب فاضيه روحي انتي

غيداء: غاده حرام عليك لو مره وحده طيعي كلامي

غاده: يوووووه لازم اروح والله مشوار

غيداء: عن العجز ويالله قومي

غاده: اوكي

وراحت غاده ورنت الجرس.....

ام ماجد: هلا والله بالحلوه

غاده: هلا يمه ابوي وينه

ام ماجد: ماادري والله تو نازل تحت

غاده: اوكي بااااااااي

++++++++++++++++++++++++

غاده راحت للاصنصير (( الليفت))وانفتح الباب ولا انتبهت ان فيه احد

خالد: مساء الخير

غاده وبدون نفس: مساء النور

خالد: افاااااا المزاج متعكر اليوم

غاده: انت وش تبي الحين كل مارحت مكان القاك فيه

خالد: ههههههه نشبه ولد عمك صح

غاده: اول مره تقول كلمة حق

وصل الليفت للطابق الارضي وقبل مايفتح الباب ضغط خالد على الطابق 20

غاده: لاااا ابي انزل

خالد: وعلى كيفك انا راكب قبلك

غاده: بس والله حرام وصلنا للطابق الارضي تروح تضغط اخر طابق

خالد: خلاص عاد شي وانتهي

غاده: خالد

خالد بعفويه: عيووونه

غاده استغربت من ردة فعل خالد بس ماحبت تبين انها مهتمه

غاده: ممكن اسألك سؤال

خالد: تفضلي

غاده: وش تبي مني

خالد : ولا شي

غاده: حلوه ولا شي

خالد: لابس احب اطفرك

غاده عصبت: سخييييييف
وضغطت على الطابق الارضي

خالد مانتبه لها لانه كان يفكر

ايه صح انا وش ابي فيها وليه اقهرها بس صدق انا احب اطفرها احب اشوفها معصبه
اااه ياحلوها اذا عصبت بس هي ماتعطي الواحد وجه
بتجنني هالبنت بتطنيشها وتصرفاتها...............

خالد قطع عليه صوت الاصنصير

والتفت حوله مالقى غاده...........

خالد: يوووه وشلون راحت وماحسيت فيها

++++++++++++++++++++++++++++++++

ضع إعلانك هنا

آخـــر الــمــواضــيــع

الموضوع: ثلاث سنين شقى عمري .. قصه سعوديه روعه / كاملة

LinkBack

أدوات الموضوع

عرض

رد: ثلاث سنين شقى عمري .. قصه سعوديه روعه / كاملة

رد: ثلاث سنين شقى عمري .. قصه سعوديه روعه / كاملة

رد: ثلاث سنين شقى عمري .. قصه سعوديه روعه / كاملة

رد: ثلاث سنين شقى عمري .. قصه سعوديه روعه / كاملة

رد: ثلاث سنين شقى عمري .. قصه سعوديه روعه / كاملة

معلومات الموضوع

الأعضاء الذين يشاهدون هذا الموضوع

المواضيع المتشابهه

كبرتني يا هم .. تروح سنين من عمري تضيع وما احد مهتم ( من تجميعي)

ثلاث سنين ...!

كبرياء امرأه وحب رجل روعه / كاملة

رواية بقايا روحي روعه / كاملة

رواية بقايا روحي روعه / كاملة

مواقع النشر (المفضلة)

مواقع النشر (المفضلة)

ضوابط المشاركة

كلمات البحث الرئيسية

بنت ستايل	عالم حواء	المكياج والتجميل