الموضوع: ثلاث سنين شقى عمري .. قصه سعوديه روعه / كاملة

البااااارت التاسع . . . .




لطيفه: بشر يبه

ابوسعود: شريت لك فيلا بالرياض

لطيفه: يبه طيب عبدالعزيز شغله بالشرقيه

ابوسعود: وعبدالعزيز لقيت له وظيفه هنا وكل شي تمام

لطيفه من الفرحه قامت وحبت راس ابوها: ربي لايحرمني منك يبه

حصه: ايه عاد تصيرين تجين عندي واعرفك على ام منصور

ابوسعود: وهذا تفكيركم يالحريم

الكل: ههههههههههههههه



في جهه ثانيه من بيت ابوسعود مها كانت بالحوش تكلم صديقتها سحر ومادرت الاراسها في صدر واحد طويل عريض

مها طاحت عينها بعين عبدالعزيز

مها بدلع: وربي سوري ماشفتك

عبدالعزيز: لاعادي وعطاها ظهرها وكمل : نادي امي الله يعافيك

مها من الفرحه الارض موشايلتها وبصوت واطي: تامر امر



***********************************


في بيت لطيفه ....

عبدالعزيز كان جالس يطالع التلفزيون ..

طفش منه ورمى الريموت اللي كان بيده وراح لامه بالمطبخ

لطيفه: ها عزوز شعندك

عبدالعزيز: سلامتك

لطيفه: ماتبي اسويلك شي تاكله

عبدالعزيز: مشكووره يالغاليه

لطيفه جلست عالطاوله اللي بالمطبخ : عندك شي تبي تقوله صح

عبدالعزيز: شدراك يمه

لطيفه: باين من عيونك تعال يابوي اجلس وقل اللي عندك

راح عبدالعزيز وسحب الكرسي وجلس عند امه


عبدالعزيز: يـــمه

لطيفه: نعم ياروح امك

عبدالعزيز: مافي غير هالوقت المناسب اللي اقولك فيه

لطيفه: يلااا قول طيب...

عبدالعزيز يلتفت براسه يمين ويسار

لطيفه: لاتخاف مافي احد غيري وغيرك بالبيت وفارس بالرياض الله يحفظه من بيكون فيه

عبدالعزيز: مدري يمكن

لطيفه: وش اللي يمكن تراني خفت

عبدالعزيز: ههههههههههههه لاتخافين مافي احد

لطيفه: يلا عبدالعزيز قل اللي عندك

عبدالعزيز: يمه ابي ..... امممم مدري شقولك

لطيفه: يلاعاد تكلم زي الناس

عبدالعزيز: يمه تكفين افهميني من دون مااتكلم وريحيني

لطيفه: بسم الله شلون تبيني افهمك كذا يلاا عاد تكلم

عبدالعزيزبسرعه: ابي اتزوج

لطيفه: ههههههههههههههههه

عبدالعزيز استحى: يمه ليه تضحكين

لطيفه: هذي الساعه المباركه متى نصدق عبدالعزيز يبي يتزوج
خلاص الحين فهمتك

عبدالعزيز: بعد ايش فهمتيني

لطيفه: المهم بكرا في زواج لصديقتي بدور لك البنت الحلوه اللي تناسبك

عبدالعزيز: لا لا يمه

لطيفه: وش اللي لا

عبدالعزيز: هااه لا قصدي يعني

لطيفه تناظره بنص عين: حاااط عينك على وحده

عبدالعزيز: حلوو فهمتيني

لطيفه: ومن سعيدة الحظ

عبدالعزيز: الهنوف بنت خالتي حصه

لطيفه قامت : كلولولولوووووووووش الف الصلاة والسلام عليك ياحبيب الله محمد كلولولووووووووش

عبدالعزيز: يمه شفيك الله يهديك

لطيفه: ماشالله الهنوف اخلاق وادب وذوق وجمال

عبدالعزيز: ادري والله ادري اجل ليه ابيها

لطيفه: وانت شدرااااااك عنها هاه

عبدالعزيز تورط: هاه لا بس يعني اكيد بتكون ذوق وادب مادامها بنت خالتي حصه

لطيفه: خلاص ولايهمك اليوم ادق على خالتك واسالها



محمد والهنوف يتسابقون مين يرد عالتلفون اخذت الهنوف السماعه ويسحبها محمد منها

الهنوف: اوريييييك يالدب

محمد: ههههههه ويرد: الو

لطيفه: الو....السلام عليكم

محمد: وعليكم السلام هلا خالتي

لطيفه: شخبارك محمد

محمد: الحمدلله بخيــــــر

لطيفه: محمد الله يعافيك امك قريبه

محمد: دقيقه شكلها بغرفتها بروح اناديها لك

راح محمد ينادي امه جت حصه وجلست تكلم لطيفه

محمد والهنوف راحوا يتهاوشووون برااا وبعد ماخلصو هوشتهم وهم داخلين سمعو امهم تقوول

حصه: والله يااختي عبدالعزيز رجال وماينرد خلاص انشالله برد عليك الاثنين .... مع السلامه

محمد: وش الساااااالفه وش اللي ماينرد

حصه: شعليك بسوالف الحريم

محمد: برووح ادق على خالتي

حصه: محيميد اعقل

محمد جلس عند امه : طيب قوليلي شسالفه

حصه: سالفه ماتخصك شتبي فيها

محمد: ههههههه ادري تخص هالحلوه اللي جنبي

الهنوف تناظر محمد: وانا شدخلني بعد

محمد يقلد صوت امه: (عبدالعزيز رجال وماينرد )

اكيــــــــــــــــد تخصك ههههههههههههه

حصه: محمد بتطلع برا والا شلووون

محمد : اكيد بطلع اخليك تاخذين رايها

الهنوف ميته من الحيا: انت شقاعد تخربط

محمد قام : سلاااااااااااامتك

جلست حصه ونادت الهنوف: تعالي الهنوف هنا ابيك شوي

راحت الهنوف وجلست جنب امها: هلايمه

حصه تمسح شعر بنتها: ماشالله عليك يالهنوف كبرتي وصرتي حرمه ومابقى الا نشوفك عروسه

الهنوف ماردت على امها ونزلت راسها للارض

حصه: الهنوف اليوم في واحد خاطبك

الهنوف بخوف: مين؟؟

حصه: عبدالعزيز ولد خالتك

الهنووف فرحت بس ماحبت تبين لأمها انها مبسوطه

حصه: شوفي فكري وصلي استخاره وبشوف رايك بعد 3 أيام

الهنوف: انشالله وراحت بسرعه لغرفتهااااااااا


************************************



نواف: هلااااااا بالمعرس

عبدالعزيز: يمه منك مااسرع جاك الخبر

نواف: طبعـــا اخوها الكبير ولازم موافقتي

عبدالعزيز: لا احلف ياشيخ

نواف: تبيني اخليها ماتوافق

عبدالعزيز: نواف ترا مااحب هالحركات

نواف: ههههههههههههااي وانت صدقت على طوول

عبدالعزيز: نواف طلبتك قوول تم

نواف: اممممم تم

عبدالعزيز: شوف روح للهنوف وحاول تعطي وتاخذ معها يعني جس النبض عندها يعني اوووه مادري وشلون اعبر خلاص

نواف: ههههههههههه شكلك خايف

عبدالعزيز: من جد خااايف

نواف: افاااااا كل هذا مسويته اختي وبأعز ناااسي لا ماراح اسكت عنها برووح اذبحها

عبدالعزيزك هيييييييه عاد اعقل والله لأذبحك انا

نواف: هههههههههه


**********************************



ماجد: هلا وغلا بكل الحلا

هند: هلافيييك

ماجد: أخبار الحلوين

هند: بخيييير مادام نسمع هالصوت

ماجد:والله اشتقتلك ياقلبي

هند: وانا اكثر حبيبي بس تعرف الظروف اللي امر فيها الحين

ماجد: يابعد عمري ... طيب متى اقدر اشوفك

هند: مجوود صدقني متى ماجتني فرصه مناسبه راح اقولك وربي جلسه معك تسوى الدنيا
ومافيها

ماجد: تسلمين لي والله بس هنووده شوي عندي انتظار دقايق

هند: خذ راحتك



ماجد: هلا حمّوود

محمد: اهلين

ماجد: هلا شعندك داق هالوقت

محمد: عادي داق اسولف مع مجوود فيها شي؟؟

ماجد من غير نفس: لامافيها شي

محمد: وش فيك مستغرب من اتصالي ومالك خلق تكلمني

ماجد: لاماستغربت ولا شي بس معاي مكالمه عالخط

محمد عرف انه اللي معاه وحده من هالبنات اللي يستهبل عليهم

محمد بحزن: مجود من متى وانت تخبي عني شي

ماجد: وش اللي خبيته عنك

محمد بطنازه: من معااك عالخط...اي وحده من حبيبااتك اللي مايستحون هيفاء والامشاعل والا ....

(طبعا محمد من بعد سالفة البنت اللي في ماليزيا ترك هالسوالف ولاصار يحبها ودايم ينصح ماجد )

ماجد قاطعه: محمد احترم نفسك لو سمحت وعن الغلط

محمد بجديه: مااظن اني قايل غلط شتسمي البنت اللي تخون ثقت اهلها يااخ ماجد

ماجد: اووووووووف يامحمد تراني مو فاضي لك ولمحاظراتك السخيفه

محمد ضاق صدره على كلام ماجد اللي قاله ... ماجد صديقه واعز ناسه يطلع منه هالكلام ... ماجد
رفيقه من صغررره معاه عالحلوه والمره ... يقول كذاا... يقولي مو فاضي لك هذي اخرتها يامجود
فضيت لبنات الناس ... ووقفت علي انا

ماجد: ياهوووووووه انت وينك

محمد: اسف ماجد اشغلتك بإتصالي بس بقولك صدقني ماينصحك ويخاف عليك الا اللي يحبك
وسكر محمد الخط......



************************************



دخل عبدالعزيز على امه وهي كانت بالمطبخ ترتب تعرفون توها ساكنه بيتها الجديد اللي بالرياض

عبدالعزيز: يمـــه اروح وارجع وانتي بالمطبخ مامليتي

لطيفه: وش تبيني اسوي وذا المطبخ من يرتبه

عبدالعزيز: يمه دقي على خالتي تجيب شعالتها تسااعدك
وانتي ارتاحي لاتتعبين عمرك

لطيفه: والله راحتي في ترتيب بيتي ولاابي شغالة احد وبعدين خالتك تحتاج شغالتها

عبدالعزيز: طيب خلي شغلك الحين ابيك شوي بالصاله

لطيفه: ادري شتبي فيني تبي تسألني عن الهنوف صح

عبدالعزيز: ايه يمه مليت

لطيفه: وش اللي مليت ماتستحي على وجهك تونا قايلين لهم امس
خلهم على راحتهم

عبدالعزيز: ايه بس اخاف ماتواااافق

دخل فااااارس: عمرها ماوافقت يعني وقفت الدنيا على الهنووووف

لطيفه: لاانشالله وليه ماتوافق بتخسر الدنيا كلها اذا رفضت

فارس: ومن حلااااة ولدك الحين

عبدالعزيز: ايه حبيبي اسواك واسوا عشره من امثالك

لطيفه: الله يهديك ياعبدالعزيز خلاص انت الحين بتعرس وتتضارب مع اخوك

فارس: ههههههه ولدك حتى لواعرس وجاه عيال واحفاااد وصار جد بيضل يتهاااوش معاي

عبدالعزيز: فارس ترا اذا ماانطميت بكسر هالكاس على راااااسك

فارس على طووول انحاش من المطبخ وعلى غرفته داااايركت

لطيفه: حرام عليك ياولدي شوي شوي علييه

عبدالعزيز: ماعلي منه اهم شي الحين موضوع خطبتي

لطبفه تحط ايدها على راسها: ياربيييييه وش فيك ياعبدالعزيز كأنك اول واحد يعرس بهالدنيا خلاص
قلتلك بعد يومين بدق عليهم يلااا الحين انت رووح ريح وبعدين يصير خير





بعد مرور 3 ايام على خطبة عبدالعزيز للهنوف

فارس: عزوووووز عزووووووز


عبدالعزيز ينزل من الدرج : خيييير شعندك

فارس:الحق ياعزوز الحق امي تكلم خالتي وتقول ان الهنوف ماوافقت

عبدالعزيز وقف بنص الدرج وفاااتح عيونه عالاخر: ماوافقت

فارس:ههههه اقوووولك الهنوف ماوافقت هههههههههه

عبدالعزيز عصب على فارس وكان على اعصااابه نزل من الدرج ودف اخوه عالباب وراح لأمه بالصاله

عبدالعزيز بصوت عالي: يمـّـــــــــــــــــه

لطيفه اللي كانت تكلم حصه

لطيفه: نعم يابوي شفيك

عبدالعزيز معصب: وليه ماتوافق وعلى أي اساس ماوافقت لييييييييه

فارس اللي كان واقف ورا اخوه وميت ضحك على شكله وهو معصب

عبدالعزيز: جاوبيني يمـــه ليه ماوافقت

لطيفه: شفيييك معصب الحين

عبدالعزيز: الهنووووووووف ليه ماوافقت

لطيفه: ومن قالك هالكلام

عبدالعزيز : شلوون يعني هي وافقت

لطيفه: مبروووك ياعبداالعزيز ايه موافقه

عبدالعزيز راح لأمه وحب راسها

عبدالعزيز بفرح: يمّـــــه الهنوف وافقت

لطيفه: الله يوفقك انشالله

فارس: اووووف اشوفك مره فرحان ماتوقعتك تحبها لهالدرجه

عبدالعزيز التفت على اخووه: مالك دخل احبها والا مااحبها بس عاد يكفي تو هبلت فيني ورفعت ضغطي

فارس: هههههههههه ياليتني مصورك من شوي كان شكلك رهيييييييييب

عبدالعزيز اخذ علبة المناديل وعلى راس اخووه

فارس: ااااااه راسي

عبدالعزيز: تستاهل وراح فووق وهو مبسوط وفرحان
رن جواااله في هاللحظه

عبدالعزيز: هلا

نواف: هلا بالنسيب

عبدالعزيز : هلا والله وغلا

نواف: تدري اني مقهوور

عبدالعزيز: ليييه

نواف: علشان الهنوف وافقت علييييييك

عبدالعزيز: لاااا ياشيخ مقهوور والله هذي قويه بحقي

نواف: هههههههههههه ياحبيلك ياعزوز

عبدالعزيز: ادري

نواف: لاتصدق لاكفخك عاد

عبدالعزيز: هههههههه

نواف: وش فيك تضحك كل هذي فرحه يعني

عبدالعزيز: اضحك على فارس المسكين متهاوش انا وياه من شوي

نواف: يوووه عاد يروح فارس ملح تحت ايدينك

عبدالعزيز: والله يانواف رفع ضغطي

نواف : ليه شسوى لك

عبدالعزيز جلس يقول لنواف السالفه

نواف: ههههههههههههههههههه كفووو والله فروس يعجبني

عبدالعزيز: ترا انا ساكت عليك علشانك اخو زوجتي والا كان علوووم

نواف: خييييييير مابعد صارت زوجتك يالحبيب تراك مابعد تملكت

عبدالعزيز: خلاص الملكه مابقى عليها شي

نواف: ايه عاد احترمني هالايام واسمع كلامي والا طردتك ولازوجتك اختي

عبدالعزيز: مو على كيفك ياحبيب قلبي

نواف: والله زوجتك المستقبليه تغث الواحد

عبدالعزيز: افاااا ليه

نواف: تو داخله علي من شوي تقول ودني للسوق وانا مالي خلق ومشغووول

عبدالعزيز: اقول بتوديها والا جيت انا ووديتها بنفسي

نواف: لا خلاص انا اوديها بس انت اطلع منها

عبدالعزيز: ههههههههههه بدينا بالغيره المفروض انا اللي اغار
موانت

نواف: شرايك تجي معانا في السوق

عبدالعزيز: خير وانا وش صفتي جاي معكم

نواف: مصدق يعني بوافق انك تروح معانا

عبدالعزيز: مدري عنك
نواف: كنت بشوف ردة فعلك بس طلعت كفوو ونعم النسيب والله
المهم.. انا بروح الحين اوديها تامرني شي حبيبي

عبدالعزيز: سلامتك

نواف: مع السلامه

عبدالعزيز: مع السلامه


**********************************