الموضوع: مَا غِير حُضّنَه يِدَفِينِي<<تأليفي

البـــ السابع ــــارت:
الرقم الغريب:أنا حياة إيشبك مو فواز...؟!
العم فواز:أهااااااااا أهلن و سهلا كيفك و كيف حال البنات إن شاء الله طيبين..؟!
حياة:الحمد لله طيبين
تصدق البنات مره نفسهم ينزلو السعودية
العم فواز:طيب مو جوني قال حـ تنزلو قريب
حياة:إيوه كمان أسبوعين إن شاء الله
العم فواز:خلاص لمن تنزلو أتصلي عليّا و حدديلي متى موعد الطيارة
عشان أستناكم في المطار
حياة:إنشاء الله
هيّا ما أطول عليك سلملي عـ الأهل
العم فواز:يوصل يا عيني مع السلامة
حياة:الله يسلمك مع السلامة
وصل العم فواز البيت
دخل لقى فتحية و البنات جالسين يتفرجو تيلفزيون
السلام عليكم
:وعليكم السلام
جلس العم فواز عـ الكنبة:تخيلي يا فتحية مين دق عليّا دوبو...؟!
فتحية:مين....؟!
العم فواز:حياة..!
البنات:مين حياة..؟!
فتحية:هادي عمتكم إلي عايشة في فرنسا
البنات:أهاااااااا
فتحية:إيوة و كيف أحوالهم مو ناويين ينزلو السعودية...؟!
العم فواز:تقول بعد أسبوعين
حنين خافت إبوها يسألها فين غلا قامت وهيّا تتمطع وراحت غرفتها
حمدان جا من غرفتو جري خبط في حنين:وجدان حنان تعالو تعالو
حنين:وجع فَتِح و إنتا ماشي
حمدان:ما شفتك سوري
وجدان حنان تعالو بسرعة أبوريكم شي
قامو حنان و وجدان وراحو مع حمدان
حنين في غرفتها أخدت جوالها دقت على غلا
زززززززززززز
زززززززززززز<جوال غلا عـ الصامت
لم يتم الرد
حنين: طبعا مهي فاضية ترد عـ الجوال
دقت حنين على سلطان:
ززززززززززز
ززززززززززز<برضو جوال سلطان عـ الصامت
لم يتم الرد

في الحمرا:
سلطان و غلا بـ يتمشو في السيارة
عزام و مازن جنب سيارة سلطان
عزام: مازن شوف مو كأنو هادا سلطان....!
مازن:إي والله هوا
في سيارة سلطان
دنقت غلا تربط رباط جزمتها((الله يكرمكم))
أشّر عزام لـ سلطان و و قِف سلطان
غلا وهيّا مدنقة:إيشبك وقفت..؟!
سلطان:دقيقة و أجي
طلع سلطان من السيارة و راح عند الشباب
عزام:هلا والله مستر سلطة
سلطان:هههههه بالله عليك لا تقولها سارتلي عقدة بسببها
مازن و عزام:هههههههههه
سلطان :كيفكم يا هو والله زمان عنكم
مازن:الحمد لله طيبين إنت كيفك...؟!
سلطان:الحمد لله
عزام:إيش ما خطبت ما أتجوزت و لا ناوي تسوي زيي
سلطان: طالع في السيارة ورجع عينو على أصحابو:وقت ربنا ما يريد حـ أتجوز
مازن:يالله معانا عـ السقالة ((مطعم وسط البحر))
سلطان:لا والله ما أقدر
عزام:أجل الأسبوع الجاي معزوم عندي في البيت إنتا و مازن
سلطان:خلاص أوكي أنا دحين أبروح عشان مشغول شوية
توصوني على شي..!؟
مازن:لا تسلم..
عزام:تسلم ما فـ بالي شي إذا أفتكرت أقولك هههههه
سلطان:ههههههه
يالله مع السلامة
وراح سلطان
عزام زهمو بصوت عالي:تعاااال تعاااال
لف سلطان:إيش في أفتكرت إيش تبغى
عزام:ههههههههههه لا ما عطيتني رقم جوالك
راح سلطان السيارة طلع كرتين من الدُرج و رجع أعطا واحد لـ عزام و واحد لـ مازن
ورجع ركب السيارة
سلطان:أشوى ما شافوكي
غلا :مين دول..!؟
سلطان:هدول عزام و مازن كانو معايا أيام الثانوية
إلا إنتي فين أختفيتي كل شوية أطالع في السيارة ما ألاقيكي..؟!
غلا :كنت أزبط رباط الجزمة الله يكرمك
طلع سلطان الجوال من جيبو
أوووووف 3 لم يرد عليها
أالله كلها حنين
دق سلطان على حنين

تنحط عـ الجرح يبرى
شفاف يا نور عيني حبوب قلبك يبيني
المتصل:My brother
ردت حنين بعصبية و بصوت عالي:فينكم...؟!
سلطان:وجع صنجتيلي إدني إيش عندك..!
حنين:يا خي من بعد المغرب إلين دحين إنت و الهانم برى البيت متى بتجو..!؟
سلطان:دحين إحنا في الحمرا شوية نرجع
حنين: على خبري إنها تبغى السوق مو الحمرا
سلطان بالله تعالو بسرعة خايفة أبويا يسألني على غلا و أتورط
سلطان:ههههه خلاص دحين نجي
حنين:طيب يلا باي
سلطان:باي
غلا :إيش عندها..!؟
سلطان:خايفة بابا يسألها عنك
غلا :هههههههه من جد ورطة

في بيت الأستاذ سالم:<<أدري نسيتوهم خخخخخ دول جيران بيت أنفال
ام شادي جالسة تتفرج تيلفزيون
دخل أبو شادي: السلام عليكم
أم شادي:وعليكم السلام
جلس أبو شادي و فصخ الشماغ:البزورة نامو ولالسى..؟!
أم شادي:ما أدري
أبو شادي:كيف يعني ما تدري
أم شادي: يعني ما أدري منتى شايفني جالسة أتفرج عـ المسلسل
أبو شادي مره معصب:طفّي التيلفزيون أشوف..
أم شادي:المسلسل لسى ما خلص
أبو شادي:أخد الريموت و طفى التيلفزيون و شال الرسيفر و طلع من البيت
أم شادي:وجع فـ شكلك إلاهي ما توعى ترجع البيت

قدام بيت العم فواز
سلطان:غلا قلبو دقي على حنين خليها تنزل
غلا :ليش..؟!
سلطان:يعنيني كنتي إنتي وهيّا في الحوش ولا تبغيني أنام في قبري اليوم
غلا :بعيد الشر عنك حياتي لا تقول كدا
سلطان مسك يد غلا وباسها:طيب يلا دقي على حنين
دقت غلا على حنين
سوي كنك ما دريت و بوسني...
سوها ثاني على إنك تعتذر..
قول آسف ما أنتبهت و ضمني...
و العذر مقبول و لك مني شكر..<<نغمة جوال حنين
المتصل:3alw*
ردت حنين:هلا غلو
غلا :حنو أنزلي إحنا تحت
حنين:أوكي يلا باي
نزلت حنين و طلعت على برى
حنين:بدري كان أتأخرتو.
سلطان:أوس لا أحد يسمعك
حنين:يالله يختي خلينا نطلع
غلا :ما في أحد في الصالة..؟!
حنين:بابا و ماما دخلو ينامو و وجدان وحنان عند حمدان في الغرفة
غلا :طيب يالله بسرعة

في غرفة حمدان:
حنان:ما شاءالله عليك وربي الرسمات مرررره تجنن
وجدان:والله مرره خطيرة هادي إلي ملونها بالفحم
من متى و إنت ترسم...؟!
حمدان: يعني حوالي شهرين.
حنان:الله يوفقك خلاص لمن ترسم لوحات تانية و ريني هِيّا
وجدان:حمدوووون بلييييييز أرسملي وحدة أعلقها في غرفتي
حمدان:طيب من عيوني كم وجدان عندي
وجدان مسكت خشم حمدان:تسلم
حنان: وجدان زمان مالعبت بيلياردو بروح أعلب
خبطت حنان راسها:يوووووووووووه نسيت اللاب توب مو مشحون
وجدان:أمشي ننزل نلعب تحت
حنان:فين..؟!
وجدان:وي نسيتي مو بابا ديك المره جاب طاولة بيلياردو حطها تحت
حنان:أي والله صح يالله
خرجو وجدان و حنان من غرفة حمدان و لقو حنين و معاها غلا و لابسة العباية
وقفو تنحو
حنين تصرف الهرجة:هااااااااااي
و جريت على الغرفة
غلا واقفة متنحة
وجدان:إيشبك يا بت لابسة العباية...؟!
غلا :أآآأ.....
شوية سلطان طلع لقى غلا و حنان و وجدان
حنان:الله الله الله كمااااان لا الحكاية فيها إن
وجدان:كدا أنا أتلخبط ممكن تفهموني الهرجة
سلطان راح جنب غلاو مسك يدها:أبداً كل ما في الهرجة إني كنت أتمشى أنا
و غلو وباس غلا في خدها وراح غرفتو
وجدان:أمممممممممممممما
غلا :أنحرجت مدت بوزها و رفعت كتوفها ((يعني ما أدري))
حنان و وجدان دفو غلا على غرفة حنين:فهمينا الهرجة
غلا مهي عارفة إيش تقول
حنين:يا خي الحكاية كدا كدا كدا كدا
و قالتلهم الهرجة
غلا :يا حيوانه يعني إنتو متفقين إنو إنتي ما تروحي معانا...؟!
حنين ترَقِص حواجبها:يب يب
وجدان:دا كلو يطلع من مستر سلطة
أخدت غلا المخدة ورمتها على وجدان:ماأسمحلك ترى هذا حبيبي
وجدان و حنين و حنان بصوت واحد:روح الروح روح الروح روح روحي إلا حبيبي
روح روح روح روح روح روح روح روح روحي
إن جيت و قلت ما أبيه ما أبيه ألعن غرامة وأسب طارية من ورى قلبي ما هو بقصدي أغليه و أغلي إلي يغليه
روحي
لحظة زعل مع وز شيط....
قاطعتهم غلا :بس بلا فـ شكلكم ما صدقتو عـ الله
البنات:ههههههههه
في بيت العم فوزي:
فارس فـ غرفتو جالس عـ المسن
جنى و أنفال جالسين يهرجو
دق الجرس راحت ياندي فتحت الباب
دخلت الخالة فوزية و دخل وراها العم فوزي وهو يدف أبوه بالعربية
فصخت الخالة فوزية العباية وراحت الغرفة إلي حاطينها لو أحد جا نام عندهم
نظفتها وبخرتها
و راحت الصالة باست راس الجد عبد العزيز:والله تو ما نور البيت ياعمي
الجد عبد العزيز:منور بأهلو... الله يخليكي و يسعدك يا بنتي دنيا وآخرة
الخالة فوزية:لو تبغى شي أطلب أنا تحت أمرك
الجد عبد العزيز:الله يرضى عليكي بس
جيبيلي كاسة مويا مفصودة((نص حارة و نص بارة))
الخالة فوزية:تحت أمرك دقايق و أكون عندك
راحت الخالة فوزية عشان تجيب المويا للجد عبد العزيز
طالع الجد عبد العزيز فـ العم فوزي:والله يا ولدي مرتك دي الله يرضى عليها تعاملني أحسن معاملة الله يخليلك هيّا
العم فوزي:ولو إنتا أطلب و الكل تحت أمرك
جات الخالة فوزية:أتفضل يا عمي
الجد عبد العزيز:تسلمي يا عيني
شرب الجد عبد العزيز المويا
فتحت الخالة فوزية التيلفزيون و جلسو يتفرجوا
في المستشفى
ريناد متمددة على السرير و جمبها أمها تقرأ قرآن
دخل غسان :السلام عليكم
ريناد و الأم:وعليكم السلام
غسان:ها ريناد إن شاء الله أحسن..!؟
ريناد:أيوه الحمد لله
دق الباب
دخلت الممرضة:سكيوز مي سوي كياس داقت((من فضلكم أقيس لها الضغط))
قاست الممرضة الضغط و كتبت البتاعة إلي يكتبوها دي و راحت
شوية جات الدكتورة قلبت في الورق:ما شاء الله أتحسنتي عن أبل كدا
ريناد ماهي طايقة الدكتورة رسمت إبتسامة صفرا
الدكتورة:بكرا الصبح هـ نعملك خروج
وراحت الدكتورة
أم غسان:خلاص يا غسان روح إنتا البيت والصبح تعال
غسان:حاضر يالله مع السلامة

في الكورنيش:
مازن طالع في الساعة:أووووووف الساعة إتنين ونص
عزام:وي والله ما حسينا بالوقت
مازن:يالله و الله تلاقي أمي ما نامت تستناني قوم وصلني
وصل عزام مازن على بيتو و راح بيتهم

في بيت العم فوزي:
الجد عبد العزيز:آآآآآآآآآآخ هيّا الله يخليكي يا بنتي يا فوزية وديني خليني أرقد
العم فوزي:بدري يا أبويا أقعد معانا الله يطولنا بعمرك.....!
الجد عبد العزيز:والله تعبت يا ولدي خليني أريح ظهري
أخدت الخالة فوزية الجد عبد العزيز و ودتو الغرفة

اللهم إنا نعوذبك من جهد البلاء ودرك الشقاء وسوء القضاء و شماتة الأعداء<<نغمة
جوال العم فوزي
المتصل:أبو مشاري
رد العم فوزي:هلا والله فايز
أبو مشاري:أهلين الله يحييك كيفك؟
العم فوزي:الحمد لله تمام
أبو مشاري:أقولك إنتا أخدت أبويا من المستشفى ولا أخدو فواز..؟!
العم فوزي:لا أنا جبتو عندي البيت وفوزية كمان أصرت إنو يجي عندنا
أبو مشاري:طيب دحين أجي أطل عليه توصيني شي..!؟
العم فوزي:لا تسلم هيّا أستناك
أبو مشاري:مسافة السكة يالله في أمان الله
العم فوزي:مع السلامة

في بيت أبو مراد:
غصون راحت غرفة مراد دقت الباب و دخلت:السلام عليكم
مراد:وعليكم السلام حياكي
مسكت غصون كراسة من مجموعة من الكراريس إلي في غرفة مراد
:ها إيش أخبار الرسمات..
مراد جالس عـ اللاب توب:والله ليّا فترة ما رسمت
تعالي تعالي شوفي إيش رايك فـ دي الصور
راحت غصون جلست جنب مراد:الله..! والله مره حلوة من فين جبتها.؟
مراد:أنا عملتها بـ الفوتوشوب
غصون:أهنيييييييك مرررره رووووعة
مراد:و إنتي شو أخبار الصوف معاكي..
غصون:أخر شي سويت المفرس الأسود و الأحمر
مراد:ما وريتيني هوّا
غصون:دقيقة أجيبو
راحت غصون جابت المفرش و جات
مراد:إيوة حلو كمان سوي قلب ثاني يسير مررره يجنن
غصون:تصدق فكرت فيها بســ...
خلاص أشوف أسويه و أوريك هوّا
يلا أنا بروح أنام تصبح على خير
مراد:و إنتي من أهلو

في أحد الشقق:
فاروق يكلم جوال:لا مش جاي النهارده
سمير:ليه بقى..!؟
فاروق:تعبان وعايز أنام
سمير:يا شيخ خلي النوم تلوقتي بقولك في مزز كتير النهارده
فاروق بعد تقكير:والله مش قادر أصلي نعسان أوي
سمير:خلاص إنت حر أنا قولتلك إنو في حفلة النهارده
عشان متقولش إنو أنا ما قولتيلكش
فاروق:لا يا سيدي قولتيلي وأنا مش عايز أجي
سمير:أهااااااا يعني إنتا مش عايز مش عشان نعسان
فاروق:يوووووووه أنا عايز أنام مـ تسيبني يا أخي
سمير:طيب يلا سلام
قفل فاروق من سمير ونام

في بيت العم فوزي:
العم فوزي:أبويا نام
الخالة فوزية:لا منسدح بس
العم فوزي:طيب قومي سوي عصير دحين فايز جي يطل على أبويا
الخالة فوزية:طيب
قامت الخالة فوزية سوت العصير
تنن تنن<الجرس يدق
راحت ياندي فتحت الباب ودخل العم فايز
العم فوزي:هلا هلا والله حياك
العم فايز:الله يحييك
العم فوزي:أتفضل
العم فايز:لا شيخ ولا صوالين ولا شي أشوف أبويا و أمشي
العم فوزي أخد العم فايز وراح غرفة أبوه دق الباب و دخل
راح العم فايز سلم على راس أبوه:حمد الله عـ السلامة
الجد عبد العزيز:الله يسلمك يا ولدي
العم فايز:ها كيف إن شاء الله أحسن..!؟
الجد عبد العزيز:الحمد لله ما في دوخة زي أول
دخل العم فوزي وهوّا شايل صينية العصير:أتفضل
العم فايز:يا الله عليك يعني لازم شغل الأغراب دا
العم فوزي:هههههه لا أغراب ولا شي
العم فايز:هيّا بكره تجيني البيت أشربك عصير ههههههههه
العم فوزي:ههههههههه
العم فايز سلم على راس أبوه:يالله يا أبويا ما أطول عليك في امان الله
الجد عبد العزيز:الله يسلمك مع السلامة
العم فوزي:بدري يا شيخ
العم فايز:بدري من عمرك
يالله أزهملي أنفال
راح العم فوزي غرفة جنى دق الباب
و دخل
جنى و أنفال وقفو جنى سلمت على يد أبوها
أنفال سلمت على عمها:هلا عمي
العم فوزي:أهلين يالله أبوكي تحت
جنى:لاااااااااااااااااااا
أنفال أخدت عبايتها و باست جنى على خدها:نتقابل في الجامعة يا حلوة
جنى:أوكي باي
نزلت أنفال و ركبت السيارة
أنفال:سلام بابا
العم فايز:وعليكم السلام
أنفال:بابا بلييييييييز حدي جيعانة خلينا نجيب عشا
العم فايز:طيب أيش تبغى طيب..؟!
انفال:ممممممم أبغى كودو
العم فايز:حاضر من عيوني
طبعاً أنفال دلووووعة لأبعد الحدود صحيح إنو مهي وحيدة أمها و أبوها
بس أختها إبتهال سنتين ونص يعني ما تفهم شي

في بيت العم فواز:
البنات جالسين في غرفة حنين
زبادي فشار و زبادي شبس جميع النكهات
و النور مقفل و مرررره مندمجين مع الفيلم
حنان أخدت من الزبدية شبساية(مفرد شبس خخخخ)و أكلتها
حطت يدها في الزبدية بـ تكمل أكل ما لقت شي
حنان:وجع مين خلص الشبس...؟!
غلا :أووووووووووس بنتفرج
حنان:بلا مفاجيع مين خلصو إنتو عارفين إنو أنا ما آكل إلا الحار ليش طفحتو منو
وجدان:ماكلة نص الكيس و تقول إحنا خلصناه
أخدت حنان المخدة ورمتها على وجدان
وجدان:آآآآآي وجع
حنين:خلاص بلا شغل ناقر ونقير
غلا : حنان أقلبي وجهك هناك في الدُرج تلاقي شبس خديه سدي حلقك فيه
راحت حنان جهه الأدراج فتحت أول واحد لقت جميع أنواع الجلكسيات و كيت كاتات
و توكسات و كادبريهات و جميع أنواع الشوكولاته إلي تخطرعلى بالكم
شهقت حنان:وججججججججججججججججع من فين جبتي دا كلو...؟!
حنين:عينك لا تزوغ
قفلت حنان الدُرج الأول وفتحت الثاني لقت حلويات من جميع النكهات
حنان:يا عيني يا عيني
غلا : اللهم طولك يا روح منتي ناوية تنطمي
حنان:عمى فـ شكلك نطيتي فـ حلقي
قفلت الدرج الثاني و فتحت الثالث لقت كراتين لبان جميع النكهات و الأنواع
حنان فاتحة فمها و متنحة
قامت حنين و قفلت الدُرج و دفت حنان على ناحية الباب:أطلعي عساكي الحول
حنان تبعد يد حنين:خلاص والله ما آخد شي بس خليني أكمل الفيلم
حنين:مافي يالله برى و دفتها برى الغرفة وقفلت الباب بالمفتاح
وجدان:بالله غلا ناوليني كيس الشبس من جنبك
غلا مندمجة مع الفيلم طنشت وجدان
وجدان:غلا يالله
حنين مسكت وجدان من أكتافها قومي أقولك شي
وجدان مفجوعة:إيش في...!؟
حنين:قومي أبغى أقولك شي..
قامت وجدان و حنين ماسكتها من بلوزتهامن ورى فتحت الباب
حنان من برى لمن سمعت صوت الباب أنفتح جريت وقفت قدام الباب
واول ما فتحت حنين الباب
حنان:أكيد ما أستحملتو القعدة من دونيـ...
ما لقت حنان غير شي أسود فوجهها
دفت حنين وجدان على برى وقفلت الباب
وطاحت وجدان فوق حنان
في دي اللحظة خرج سلطان من غرفتو طالع في البنات:يخص عليكم كمان عيني عينك
دفت حنان وجدان:قومي فعصتي أبو أبويا
وجدان بـ تقوم:بلا فـ شكلك تفكيرك شطح بعيد
سلطان:أهااا صدقتك
حنان:آآآي الله يقلعك عورتيني
وجدان:يعني أنا كنت قاصدة إنتي التانية
سلطان:أجل إيش السالفة...؟!
حنان:كنا جوا مع الزفتتين بـ نتفرج فيلم بعدين طردونا
سلطان:ههههههههه
ونزل سلطان عـ الصالة
وجدان:يا الله كان نفسي أشوف إيش يسير حـ يتزوجها ولا لأ....
حنان:دحين إنتي موعندك جامعة بكرة يالله أنقلعي أنخمدي
وجدان:خامودة تخمدك ما لك دخل فيّا
وراحت وجدان على غرفتها

ثاني يوم الصبح في الجامعة:
غصون جالسة تستنى وجدان تجي شوية تدخل أنفال
أنفال:السلام عليكم
غصون و ولاء:و عليكم السلام
غصون:كيفك يا بت..!؟
أنفال:الحمد لله تمام
غصون:دوم يا رب
أنفال:يدوم عزك
ولاء:إلا وين وجدان ما جات للحين
أنفال:مدري عنها تلاقيها كانت مواصلة طول الليل
والله تقهر البنت دي ما تنام في الليل و بعدين تجي تقول الجامعة موعدها غلط
وجع مرررره تقهرني
ولاء:أستغر الله لا تغتابين البنت <<من أهل الرياض
أنفال مره مهي فايقة لـ ولاء من الصبح سابتهم و راحت عند صحباتها
زي منتو عارفين إنو أنفال و جنى و لجين رابع جامعة
و غصون و جدان و ريناد و ولاء ثالث جامعة

الساعة 11 الظهر
سامي جالس طفشااااااان عـ الأخير
راح الصالة يتفرج تيلفزيون
شوية مشاري جاي من برى
مشاري:السلام عليكم
سامي:عليكم السلام
سلامات طالع بدري من الشغل..!!؟
مشاري:خلصت شغلي بدري وجيت
سامي:أهاااااااا
راح مشاري غير ملابسو وجا جلس مع سامي
مشاري في شي شاغل بالو قاعد يفكر فيه
سامي:مشاري فـ إيش بـ تفكر..؟!
مشاري أتنهد:ما في شي
سامي:كيف ما فيك شي شكلك ما يدل على كدا
مشاري:........تخيل لمن رحت بيت عمي فوزي
عشان نروح أنا وفارس عند جدي لمن كان في المستشفى
سار كدا و كدا و كدا
وحكالو الهرجة
سامي:طيب إيش يعني إنتا عارف إنو جنى جريئة و إلي في قلبها على لسانها
مشاري:إيوه صح بس مدري حسيت إنو حكايتها مو حكاية جراءة وبس
ممممم مدري
سامي:والله ما أقدرأقولك شي لأني ما شفت موقف جنى بس ما أتوقع في شي

في الجامعة:
جنى: يووووه متى ناوي يجي دا
وجدان:طيب دقي عليه
أخدت جنى جوالها و دقت على فارس
((♫♫♫♫♫♫♫♫♫♫♫♫♫♫♫♫♫♫♫♫♫))<<نغمة جوال فارس
المتصل:جنى
رد فارس:الو
جنى:فارس متى ناوي تجيني...!
فارس:في الطريق لمن أوصل أرنلك تطلعي أوكي
جنى:أوكي يالله باي
جنى:وجدان تجي معايا....؟!
وجدان:أوكي نو بروبلم
أنفال واقفة تكلم لجين:ليش ما جيتي يوم الربوع....؟!
لجين:والله كان راسي يوجعني
أنفال:هيّا مره تانية لو ....
قاطعها صوت الجوال
((♫♫♫♫♫♫♫♫♫♫♫♫♫♫♫♫♫♫♫♫♫))
المتصل:سامي
ردت أنفال:هلا سامي
سامي:أهلين
أسمعي أنا مره ما فـ حالي أجي تعالي مع وجدان ولا جنى
أنفال:طيب و فين مشاري..؟!
سامي:دوبو جا و طلع نام
أنفال:خلاص طيب يالله مع السلامة
سامي:باي
لجين:إيش خلاص بتروحي البيت..!؟
أنفال:لأ ما في أحد يجيني..
لجين:طيب تعالي معايا
أنفال:لا ما أقدر
المهم لو جات أمك عندنا مره تانية تعالي معاها
لجين:إن شاء الله
أنفال:طيب أنا دحين رايحة عند جنى عشان حـ أرجع معاها
توصيني على شي
لجين:لا قلبو سلامتك
أنفال:يالله مع السلامة
راحت أنفال عند جنى و وجدان
أنفال:بنات حـ أروح مع وحدة فيكم اليوم
جنى:والله فله وجدان جاية معايا تعالي معانا نفلأبو أبوها
أنفال:طيب إنتي مين حـ يجيكـ..
ما كملت أنفال كلمتها جات غصون:وجدان أخوكي برى
وجدان:يوووووه خلاص بنات خلوها يوم ثاني أكون قايلة لـ سلطان ما يجي
جنى:أوكي
أنفال:سلميلي عـ البنات
وجدان:أوكي يالله باي
طلعت وجدان
جوال جنى رن
جنى:أنفال يالله فارس جا
أنفال قلبها دق يوم سمعت إسم فارس
لبست جنى العباية:يوووه يا أنفال سنة تلبسي العباية
أنفال:خلاص أطلعي و أنا ألحقك
طلعت جنى ركبت السيارة
جنى:سلام
فارس: وعليكم
جنى:لا تمشي أنفال حـ تجي معانا
فارس فِرِح فَرح مو صاحي
شي أكيد حبيبة القلب جاية معاهم
ركبت أنفال السيارة:السلام عليكم
فارس:وعليكم السلام
جنى:و ليش ما رديت السلام كامل قبل شوية
فارس زي ما سلمتي رديت عليكي
أنفال:كح كح كح كح
جنى:والله عارفين إنك هنا
أنفال بصوت مبحوح: لا يا مخ معايا كحة
وقف فارس عند أقرب صدلية ونزل يشتري لـ أنفال دوا كحة..؟!
يا ترى إيش حـ يكون موقف أنفال لمن فارس يجيبلها الدوا..؟!و إيش حـ تكون ردة فعل جنى...وإيش حـ يسير مع مشاري إلي جنى مهي راضية تروح عند بالو..؟!
كل دا راح تعرفوه في البارت الجاي