الموضوع: مَا غِير حُضّنَه يِدَفِينِي<<تأليفي

مَا غِير حُضّنَه يِدَفِينِي<<تأليفي

هاااااااااااااااي
كيفكم يا حلوين..؟!
بعد تفكير طويل قررت إني أكتب رواية و تكونوا إنتو أول ناس تقرأوها
و إن شاء الله ما راح أتأخر عليكم في البارتات الجديدة


البـــ الأول ــــارت:

فيـ الجامعة <<يوم الأربعاء:
بنات العم وبعض من صديقاتهم<<بنات الجيران يعني
كانو قاعدين يلعبو لعبة الإهداءات<<يعني كل وحدة تهديـ أغنيه و تقول لمين.
المهم؛جا دور لجين<<بنت الجيران

أهدت لأنفال أغنية((يعني بالله هاذي حاله أعشقه و ماني في باله....إلخ))
وأنفال ما كانت تعرف كلمات الأغنية ولمن رجعت البيت سألت أخوانها عن الكلمات طلع ما أحد يعرفها أحتارت أنفال إيش تسوي
وجات تبغى تتصل على وحدة من بنات عمها لقت رصيدها 00,0
قالت مالي إلا إني أحمل الأغنية من النت
والله وتسحب لاب توبها وتخش عـ النت و تحمل الأغنية وتسمعها
وقالت في نفسها:لجين ما راح تهديني الأغنية من الباب للطاقة أكييد في شي...
وجلست تفكر و جاها النوم المهم ونامت..
وعلى بعد المغرب يدق الجرس جات الشغاله فتحت الباب
لقت عيلة العم فواز جو...
راحو الرجال عـ المجلس و دخلو الحريم سلمو البنات على خالتهم
وسألوها فين أنفال..؟!
قالتلهم:تلاقيها قاعدة عـ التنترنت كـ العادة..
البنات:ـههههههـ ـهههههههـ ـهههههههـ
لا يا خالة إسمو إنتر نت مو تنتر نت..
الخالة فريدة: المُهم إلي هوّا..
طلعو البنات غرفة أنفال لقوها نايمة صحوها وقعدوا معاها..
<<كان موضوع لجين و الأغنيه مررره شاغل بالها فـ كانت مرره مسرحه
سألتها وجدان: إيشبك يا فوفو فـ إيش مسرحة..؟
أنفال: لا بس عشان دوبي صاحية من النوم.
وشويه و إلا العيله واللمه كلهم يتجمعو عند بيت العم فايز
في الصالة:
قالت فتحيه لأُختها فريده:يختي دقي على سعاد و بدرية خليهم يجو يتونسوا معانا
وخلي البنات ينبسطوا مع بعض..
فريدة: طيب
بس و تتصل خالتنا فريدة على بدريه
طـــــــوووط طـــــــوووط تشكـ..
بدريه:ألو
فريدة: ألو كيفك يا حرمه إيش أخبارك و إيش أخبار البزوره..؟
بدريه: أهلين فريدة الحمد لله طيبة والبزوره كويسين سألت عنك العافية.
فريدة:الله يسلمك...أقولك تعالو عندنا كلنا مجتمعين هنا وكمان جيبي البنات معاكي
خليهم ينبسطوا مع البنات..!
بدريه:إن شاء الله أشوف...
فريدة: هيّا حبيبتي نستناكي لا تتأخري مع السلامه..!
بدريه:الله يسلمك مع السلامه..
دقت فريدة على سعاد
طــــــووط طـــــــووط طــــــــووط طــــــووط طوط طوط طوط طوط
<<خط ثاني
أستنت شويا كدا و رجعت دقت تاني
طــــووط طــــووط طـــــووط تشكـ..
سعاد: ألو نعم...؟!
فريدة: ألو كيفك يا سعاد...؟!
سعاد: الحمد لله طيبة..!
فريدة: فينك يا أُختي ولا تتصلي ولا تسألي صارلك يومين..؟!
سعاد:أسكتي الشغاله راحت و مشغوله شوي في البيت..!
فريدة:ـههههـ الله يعينك و يساعدك
أقولك تعالي عندنا اليوم دوبها فتحيه سألت عنك..
سعااد:لا والله عندي شغل البيت مبهدل و ما عندي شغالة...!
فريدة:هيّا بلالكاعه كلنا زمان ما كان عندنا شغالات ما كنّا نخلي يوم ما نخرج فيه...؟!
سعاد:خلاص إن شاء الله بس أخلص إلي في يدي أجيكم
فريدة: هيّا لا تتأخري يا حرمه يالله مع السلامه...!
سعاد: أبشري مع السلامه...!
قفلت سعاد وقالت يا بنات تعالو ساعدوني في الترفيع عشان نروح بيت الجيران توهم دقوا قالوا تعالوا..
جو البنات وساعدوا أمهم و خلصوا المهم لبست الأم والبنات لسى ما خلصوا قالت:خلاص أنا بـ روح و يوم إنكم تخلصون تعالوا...
طلعت لجين غرفتها وجلست تفكرقالت في نفسها:هـ ألحين لو رِحت عندهم أنفال راح تكون مع بنات عمها و ما أجلس معاها كثيير خليني قاعده هنيّا أحسن.
وصلت بدريه و سعاد عند فريدة دخلو وسلمووا و جلسوا و أتقهووا.....إلخ...
في غرفه أنفال:
الجو رجه البنات كلهم هناك قالت أنفال: يالله يا بنات خلينا ننزل نشوف مين جا..؟!
المهم نزلو سلموو على سعاد و بدريه وقالت أنفال لـ سعاد:فين لجين و جمانه ليش ما جو معاكي..؟!
سعاد:لسى ما جهزوا شويه و يجو..!
أنفال:أهاااااااا.
بس رجعو البنات طلعوا الغرفة تاني.

.................................................. .....................
صار الجو مرره ملل و زهق
و فجأه قالت جنى:أووووووووووف مررره طفش بنات إيش رايكم نروح الكورنيش مع فارس..؟!
ولا تتحججوا ياخد جمس بابا و إزا ما كفى نخلي مشاري يا خد جمس عمو فايز..!!!
لجين:لأ صعبة دحين لجين و جمانه يجو ما يلاقونا أستنو شويه... ولا خلوها يوم تاني
البنات: ربع ساعة إن ماجو حـ نروح وإذا تبغى تستنيهم بعدها أستنيهم لوحدك...
شويه و يدق الجرس طلعت جمانه سلمت عـالحريم وقالت: لأمها يمه تبغين شي أنا بأرجع البيت...؟!
الأم سعاد: ليه يا بنيتي ورى ما تِقعدين هنيّا..؟!
جمانه:لا يمه بروح عشان لجين ما ودها تجي تقول راسها يوجّعها...
الأم سعاد:طيب يا بنيتي روحي و قفلوا الباب زين زين بالمِفتاح ولا تفتحون الباب لأي أحد
<<اللهجه بدويه مررررره..
عاااد حلى ما صدقت عالله طلعت قالت للبنات:لجين ما حـ تجي...!
قالولها:إيش دراكي..؟!
قالت حلى:دوبها جات جمانه وقالت إنو لجين ما حـ تجي عشان راسها يعورها ورجعت البيت عشان تقعد معاها...!
البنات بصوت واحد:إلهي يبتليها بالبلا البعيدة بعد داكله ما راح تجي عمى يعميها
قالت جنى لأنفال:هادي آخره القعدة
أقول دقي على مشاري خليه يجهزالجمس المهم دقت أنفال على مشاري و قالت له:جهِز الجمس ناويين نروح الكورنيش..!
مشاري:كلكم حـ تروحوا...؟مايكفي..!!
أنفال:لا حـ ناخد جمس عمو فوزي لو ماكفى بالله ميشو بسرعه<<للمصلحه ميشو...!
مشاري:طيب يختي يا فوفو...
ركبوا البنات و ما كفت السيارة قالت أنفال لجنى دقي على فارس خليه يجيب جمس أبوكي...!
دقت جنى على فارس قالت له:فرفر حبيبي جيب مفتاح سيارة بابا عشان نبغى نروح الكورنيش وما كفت سياره ميشو..
فارس وهو مفجوووع: مين ميشو دا كمان..؟!!!
جنى:ميشو يا فراس إيشبك مشاري ولد عمو فايز..!
فارس:أهااا إيوا صح
لا مني رايح أكيد حـ يقولي عندك سيارتك إيش تبغى بسيارتي...!
جنى: مممممممممم طيب أدق عليك شويّا..
قفلت جنى من فارس وقالت لـ حنين:حنو دقي على أبوكي خليه يقنع بابا يعطي السيارة لـ فارس..لأنو أبوكي أكبر واحد وأكيد حـ يقدر يقنعو
حنين:طيب دقيقة..!
دقت حنين على أبوها:ألو كيف حالك يا حلو إيش أخبارك..؟<<حق المصلحة
العم فواز:الحمد لله إيش عندك هرجة عاملالي مقدمات طول وجهك..؟
حنين:ـههههههـ<<ضحكه دلع الله يسامحك يا بابا بس حبيت إنك تقنع عمو فوزي يعطي فارس السيارة عشان حـ نروح الكورنيش وسياره مشاري ما كفت..؟!
العم فواز:طيب يالله أنقلعي..
جنى: هااه إيش قال..؟
حنين:وافق..
المهم وتدق جنى على فارس
جنى:يالله دبرتلك الموضوع روح خد المفتاح ولا تتأخر..
فارس:صدقيني يا جنى حيهزئني قدام أعمامي..!
جنى:لا يا مخ ما حـ يهزأك لأنو كلمنا عمو فواز يقنعو
فارس:أها طيب يصيرخير...!
في مجلس الرجال:
العم فواز:أسمع يا فوزي دحين حـ يجي فارس ياخد مفتاح السيارة أديلو هوّا من غير ما تحرِجو الواد صار كبير...
العم فوزي:ليه طيب عندو الخنفسانه حقتو<<سيارة فارس صغيرة فـ مسميينها خنفسانة
العم فواز:ما تكفي يا فوزي بنات العيله كتار..
العم فوزي:و إيش دخل البنات في الموضوع..؟!
العم فواز:البنات ناويين يروحوا الكورنيش وسيارة مشاري ما كفتهم
فـ يبغوا سيارتك بعدين السيارة ما حـ ياخدها أحد غريب حـ ياخدها ولدك..
في نفس اللحظه دخل فارس المجلس
السلام عليكم..
الرجال:وعليكم السلام والرحمة
العم فايز:هلا بسيد الشباب كلهم..
فارس بخجل:تسلم يا عمي
هدوووء صار في المكان و فارس واقف جمب أبوه
قال فارس وهو يهرش((يحك))راسه أبوووويااا....
قاطعو العم فوزي:عارف إيش تبغى خد أهو المفتاح وأنتبه على بنات عمك تراهم أمانه في رقبتك..
فارس بحرج:لا توصي حريص..
العم فايز:أنفال ما تروح معاكم ما يصير...
رد عليه العم فواز:ياشيخ خلي البنت تتونس مع بنات أعمامها بعدين اليوم ربوع مافي لا مدارس ولا جامعات..
العم فايز:طيب بس بالله يا فارس أنتبه عليها مزبوط..
فارس:إن شاء الله..
وراحو عـ الكورنيش لفو الكورنيش من أوله لأآخرة أربعة خمسه مرات
مشاري حابب يعمل مفاجأه للبنات قام أرسل مسج لفارس
وشويه إلا و جوال فارس((لا تكتب رساااايل كلمني كلام تعبت من الرسايل إصحى من المنام))<<نغمة الرسايل
فتح الرساله:
ـــــــــــــــــــــــــــــ
\ من:Mesho \
\أسمع تر أنا مليت من الدواره في \
\الكورنيش يالله عـ الشلال ولا عطالله \
ــــــــــــــــــــــــــــ
أبتسم فارس
وشويه عند مشاري
((طييت طييت طييت طييت SMS))ما أتوقع ما أحد يعرف دي النغمه
فتح مشاري الرساله:

ـــــــــــــــــــــــــــــ
\ من:FroOos \
\ خلاص يالله عـ الشلال زمان ما \
\رحنا... \
ــــــــــــــــــــــــــــ
مشاري قابض الراتب ما همو شي
المهم لف مشاري رايح على جهة الشلال
البنات:لاااااااااا فين رايح..؟!
مشاري: خلاص حـ نرجع البيت..! <<شوفتو الحرمصه كيف..؟!!
البنات:أوووف إيش داا , يوووه ليه كدا النكاده..!!!
مشاري: ـههههههههههههـ يا هُبُل حـ نورح الشلال..؟؟!
البنات: واااااااااااااو روعة وربي حمااااس مررررررره فلللله
السيارة التانية:
قال فارس:ما طفشتوا..؟!
البنات:لا ما طفشنا.؟!
فارس: طيب إيش رايكمـ. ولا بلاش
البنات:إيش فارس بالله قول..!!!
فارس:لا خلاص ما ينفع..
البنات:شكلك (م.م.ج)<<ماعندك ما عند جدتي..
فارس: حـ أعمل نفسي ما سمعت الكلمه دي عشان لو
أخدتها من جد راح أبطل بقوة
ولا أقولك خلاص أنا عصبت يالله عـ البيت
البنات:لاااا بالله عليك الله يخليك والله أآآآخر مرره
بس و يلف فارس على الشلال
قال فارس: شوفتي فين جبتكم قال (م.م.ج)قال
البنات: وااااااااااو مررره حمااااس مرره كول الله يرجك يا شيخ حسبنا حـ تودينا البيت
فارس:يالله يالله أنزلوا
ووصل مشاري:يالله يا هو كم وحده إنتو واحد إتنين تلاته أربعه سته
يوووووووووه لخبطتوني أعملو صف عشان أعدكم
- - - - - - - - -
1-مشاري 2-فارس 3-أنفال 4- حنان 5-حنين 6- غلا 7-جنى 8-وجدان 9-حلى
مشاري:حلو تسعه أنفار
كلكم خليكم جنب بعض عشان لا تضيعوا وكل وحده تخلي جوالها مفتوح و عـ العام
مفهوم..؟؟!
البنات:مفهووووووووووم<<ذكروني بأيام المدرسة
راح مشاري أشترى الأساور و دفع حق الدخول وأول ما دخل
راح أشتري سبعه بطايق شحن للبنات كل وحدة بـ20 ريال
طبعا جوالو هوّا و فارس مفوّتر
والله و هيصوا ولعبو و فرفشوا وأتونسوا وما طلعوا من الشلال إلا على الساعه أربعه أربعه ونص حاجه زي كدا..
بس ورجعوا عـالبيت وكل وحدة نامت في حته طبعاً
الأعمام راح كل واحد على بيتو و البزوره قعدوا عند عمهم
ولمن أدن الفجر قامت خالتنا فريدة تصحي الشعب إلي عندها عشان الصلاة
راحت قسم البنات:يالله يا بنت إنتي وهيّا
و بعدين راحت عند الأولاد:يالله يا وااد قوم الصلاة
الأولاد:طيب يا أمي/حاضر ياخاله.
رجعت للبنات: يالله قومي يفترك منك لها وقت الخرجة ما أحد يناحل(يهاتي)معاكم
عشان تقوموا
المهم قاموا الجميع وصلوا الفجر و رجعواناموا ما قاموا إلا الساعة3 العصر
أتغدوا البنات وأرسلوا سعود ورى الفيلا يشوفو في أحد ولا لأ
راح سعود ما لقى أحد و جى قلهم: مافي أحد...!
وجو الأهل فوزية و بدريه و فواز و فوزي
وطلعوا البنات ورى وكل وحده معاها جوالها
وقالوا خلينا تنصور و زهمو ياني<<شغاله بيت العم فايز الأولى
وقعدوايتضاربو تصورهم ياني بأي جوال
قالت ياني:((يااا الله كلو بينت هوطي زاوال على طاولا أنا إكتاري سوّر أيت زاوال))
الترجمه:((يا الله كل بنت تحط جوالها على الطاوله وأنا أختار أصور بـ أيت جوال))
أختارت جوال أنفال وصورتهم و المسبح من وراهم شويا تجي أوبيانا<<الشغاله الثانيه
من ورى البنات وقالت:((كلو لوفي ألى وارى أشان سوي سورة مآآع ماسباه))
الترجمه((كلكم لفو على ورى عشان أصوركم مع المسبح))
أخدت جوال من الجوالات و هيّا رايحة عشان تصورهم أرسلت رسالة على الجوال إلي مع ياني
ـــــــــــــــــــــــــــــ
\ إلى:FoFo \
\لمن أنا كلاس سوي سوره بنات \
\ إنتي سوي دفي ألى ماسباه \
ــــــــــــــــــــــــــــ
وشويه يرن جوال أنفال رساله قالت أنفال:ياني شوفي من مين الرساله
فتحت ياني الرسالة لقتها

ـــــــــــــــــــــــــــــ
\ من:غلآ روحي \
\لمن أنا كلاس سوي سوره بنات \
\ إنتي سوي دفي ألى ماسباه \
ــــــــــــــــــــــــــــ
قالت أنفال:مِن مين؟؟
قالت ياني:((لاهادا في سوي كدمه كلام فادي كلام فادي))
الترجمة:((لا هادا لو تبي تسوي خدمة كلام فاضي كلام فاضي))
قالت أوبيانا:((يلا كلاس لا تكلمي أشان سوره إتلع هِلو مارا))
الترجمة:((يلا خلاص لا تتكلموا عشان الصورة تطلع حلوه مره))
المهم و صورتهم أوبيانا وجات ياني من وراهم و دفتهم عـ المسبح
البنات:واااااااااااااااااا آآآآآآآآآآآآآآآآآي يآآآآآآآآهووووووووو
ـههههههههههـ ـكيكيكيكيكيكيكيكيكـ ـههههههههههههههااااايـ..
المهم شويه وطلعوا من المسبح
و على بعد المغرب كل واحد يبغى يرجع بيتو
قالت:حنين لخالتها فوزية:ديك المره جيت نمت عندكم خلي غلا اليوم تجي عندنا البيت
قالت الخالة فوزية:وه يا بنتي من أمس و إنتو مع بعض ما تطفشوا كل يوم كل يوم..؟!!!
حنين:ياخاله ما جلست معاها زي الناس أمس خرجنا و اليوم قعدنا نسبح
و بصراحة بصراحة ما شبعت منها...
الخالة فوزية:طيب خلاص قولي لعمك و شوفي إيش يقولك...!
راحت حنين جري عند عمها فوزي وقالتله:عمو الله يخليك الله يخليك خلي غلا تجي تبات عندنا..؟!
العم فوزي:ليه يعني..؟!
حنين:لأنو زمان ما جات عندنا و أنا هاديك المره نمت عندكم أُسبوع كامل..؟!
العم فوزي:إيوه صح و أنا و عدتها إنو تبات عندكم أسبوع خلاص دحين نرجع البيت ونرسلها كتبها و أغراضها و كم لبس لها...؟!
حنين:ياهووووو... الله يخليك يا عمو
و باستو و طلعت
المهم لمن رجعو البيت أرسلو لغلا أغراضها و راحت مع عمها فواز
راحو غلا و حنين على غرفه حنين كـ العادة
و هاتك يا تصوير بالجوالات شويه و ناموا البنات
و عـ الساعة وحدة في الليل قاموا
وقاعدين يلعبو و مهيصين
دق دق دق<<الباب يدق
حنين:مييييييين..؟!
إلي ورى الباب:أنا حمدان..؟!
حنين: أهاااا طيب..
فتحت حنين الباب
وقالها حمدان:أسمعي سلطان يبغى جوالك يقول يبغى ينزلك عليه حاجات مرره حلوه
حنين:خد أهو الجوال أديلو هوّا و أنتبي لا تطيحو
حمدان:طيب...
ودى حمدان الجوال لسلطان و قعد ينزلها عليه صور وأغاني
و صوّر سلطان نفسه بجوال حنين
وبعد ماخلص راح عـ الأستيديو يبغى يشوف إيش نزلها وإيش لسى ما نزلها هيّا
و هوّا يقلب في الصور عينو ما تلمح إلاصورغلا و الواد تنح عند الجوال
قال:معقول دي غلا وه فديتها بنت عمي تجنن
وفجآآأه دخلت عليه حنين
قالت:هاااا خلصت..؟!
سلطان بـ إرتباك:الله يقلعك فجعتيني إيوه أهو خلصت
الله يهديكي كيف تحطي صور غلا و إنتي عارفة إني أبغى الجوال...<<يعنيني مؤدب
حنين:وإنتا إيش دراك إنو دي غلا....!
سلطان:مافي غيرها بايته عندنا اليوم و عشان كدا عرفت إنو هيّا<<منحرج عـ الأخير
بس والله تجنن طالعة لولد عمها...ـههههههـ
حنين:لمن تطلع لأبوها و أمها أول مره بعدين تطلع لولد عمها...
رجعت حنين الغرفه و جلست تسشور شعرها
قالت غلا : هاتي خليني أشوف إيش نزلك عليه..!!
بس راحت عـ الأستيديو و شافت الصور و من ضمنها صوره سلطان
قالت:أكيييييييييييد هادا سلطان مو...!
حنين: أشوف..!!
لفت غلا الجوال على حنين
إيوه هوّا دا سلطان..
غلا :ما شاء الله محلو
حنين: الله يحليه أكتر و أكتر
غلا :آمين <<مهي فاهمة الهرجة
المهم قعدت غلا تتفرج عـ الصور وفجأه
قالت حنين:غلآ أسمعي ترى.......
غلا :ترى إيه...!؟؟؟؟
حنين:ترى سلطان شاف صورتك دوبو
غلا :وااااااااااي فين شافها...؟!!!!
حنين: يا مخ مو كان الجوال معاه
بس لا تخافي ما علق بس قال:والله تجنن طالعه لولد عمها
ترى سلطان مره مصدق نفسه..
غلا :الله يقلعك يا شيخة و إنتي ليش ما مسحتي الصور
حنين:وليش أمسحها
بعدين محد غريب شافها ولد عمك خليكي إيزي
غلا :دحين لو كان فارس شاف صورتك عندي كان فضحتي الدنيا
حنين:لا عادي وليش أفضح الدنيا مو غريب ولد عمي و خالتي و ما أدراكي في المستقبل إيش يسرلي
غلا :أهاااا بدينا غزل هاا...
حنين:((حبيبي يا... يا حلمي أنا... عشت عمري كله بستناه... وأتمناه... الفرقى عليّا صعبة....إلخ))
غلا : بس تراكي صجيتيني
حنين: مقبوله منك يا بنت العم..
و شويه و تجي حنان وفي يدها لاب توبها و قعدت مع البنات قالتلهم:
دوبها أنفال أرسلتلي صورأخوانها عـ المسن ما شاء الله مره حلوين....شوفوا
دا مشاري و دا سمسم و شوفو دا ساري والله كبران..
غلا :مين سمسم..؟!
حنين:يا مخ هادا سامي بس حنان بـ تدلعو
حنان:لاوالله أنفال قالتلي سمسم فأنا معلقه معايا بس لا أكتر ولا أقل
بس شوفو بالله مو قمر
غلا :الله يهني سعيد بـ سعيدة
حنان:والله إنتو يا البزارين محد يوريكم شي على طول عقولكم تشطح بعيد
وججججع
حنين:ـههههههههههههههـ
غلا :إلي على راسو بطحه
حنين:يحسس عليها ـههههههههههـ
وطلعت حنان من الغرفه مرررره معصبه

في بيت العم فوزي:
جنى راحت غرفه فارس و جالسه تهرج معاااه
قالها فارس: كيف أمس بالله ما أتونستو
جنى:إيوه مررره فلله
فارس:و كيف بنات عمي...؟!
أسمعي هوّا مين كان معانا و مين كان مع مشاري..
جنى: كان معانا:وجدان و غلا و حنان و أنا بس
وكان مع مشاري:أنفال و حنين و حلى
فارس:أهاااااا
جنى: ليش تسأل...؟
فارس:لا مو عشان شي بس كدا...
جنى أها طيب صدقتك..؟!
يلا باي بأروح أنام
فارس:باي
في بيت العم فايز:
سامي قاعد عـ المسن و كان يهرج مع فارس المهم شويه جاتلو إضافه من إيميل غريب ما يعرفو
سامي:مين دا ولا مين دي إلي مرسل إضافة بالإيميل الغريب دا....!!!!
أنا مني فاكر إني أعطيت أحد إيميلي
كان الإيميل:
FLoveA......@
يا ترى إيميل مين دا....؟!و إيش حـ يسير مع غلا في أول يوم بايته عند عمها بعد مدة طويلة..؟!وليش فارس سأل جنى عن البنات....؟!و كل داراح تعرفو في البارت الجاي

الموضوع الأصلي: مَا غِير حُضّنَه يِدَفِينِي<<تأليفي || الكاتب: دلـــ jeddah ــــــوعة || المصدر: منتديات بنت ستايل النسائية

www.9090.ws

---

lQh yAdv pEq~kQi dA]QtAdkAd<<jHgdtd